Санитария-эпидемиологик осойишталик ва жамоат саломатлиги қўмитаси раисига ўринбосарлар тайинланди. Бу ҳақда қўмита матбуот хизмати хабар берди.
Хусусан, Нурмат Отабеков Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси биринчи ўринбосари бўлди.
![](/static/2023/Fozilbek/photo_2023-10-13_09-41-24.jpg)
Нурмат Отабеков 1957 йил 17 июнда Қозоғистон Республикаси Чимкент вилоятида туғилган. 1981 йилда Тошкент давлат тиббиёт институтини тамомлаган. “Фидокорона хизматлари учун” ордени билан мукофотланган.
У 2019—2020 йилларда Вазирлар Маҳкамаси ҳузуридаги Санитария-эпидемиология назорати давлат инспекцияси бошлиғи, 2020 йилдан мазкур тайинловга қадар Санитария-эпидемиологик осойишталик ва жамоат саломатлиги хизмати бошлиғи ўринбосари лавозимида фаолият юритган.
Ботир Қурбонов — Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси ўринбосари лавозимига;
![](/static/2023/Fozilbek/photo_2023-10-13_09-41-25.jpg)
Ботиржон Қурбонов 1979 йил 16 февралда Ўш вилоятида туғилган. 2004 йил 2-Тошкент давлат тиббиёт институтини тамомлаган. “Саломатлик” II-даражали ордени ва “Мустақиллик 30 йиллиги” кўкрак нишони билан мукофотланган. Тиббиёт фанлари бўйича фалсафа доктори (PhD).
Сўнгги йилларда у Республика Давлат санитария-эпидемиология назорати марказининг эпидемиология масалалари бўйича бош врач ўринбосари, Санитария эпидемиологик осойишталик агентлиги директорининг биринчи ўринбосари лавозимларида фаолият юритган.
Қобил Ҳайитов — Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси ўринбосари лавозимига.
![](/static/2023/Fozilbek/photo_2023-10-13_09-41-24 (2).jpg)
Қобул Ҳайитов 1986 йил 19 июнда Навоий вилояти Хатирчи туманида туғилган. 2007 йили Тошкент молия институтини тамомлаган. “Солиқ хизматининг II даражали маслаҳатчиси” махсус унвонига эга.
Сонгги йилларда у Давлат солиқ қўмитаси Молия ва моддий-техника таъминоти бошқармаси бошлиғи ўринбосари, Молия ва моддий-техника таъминоти бошқармаси Бухгалтерия бўлими давлат солиқ бош инспектори лавозимларида ишлаган.