Футбол бўйича Ўзбекистон U-23 терма жамаоси 13-октябрь куни Испанияга қарши ўртоқлик ўйини ўтказади.
Учрашув 19:00 да “Бунёдкор” стадионида старт олади.
Ўртоқлик ўйинидан аввал иккала терма жамоа мураббийлари матбуот анжуманида иштирок этди.
Осиё ўйинларидан қайтишимиз биланоқ ушбу баҳсга тайёргарлик кўришни бошладик. Испания ёшлар терма жамоаси Европа чемпионати саралаш босқичида иккита ўйин ўтказган, бироқ мураббий аввалги жамоа билан ҳам ишлаган. Шунга қарамасдан эртага энг яхши ўйинларимиздан бирини кўрсатишимизга ишонаман.
Футболчилар аста-секин тикланишмоқда, халқаро ўртоқлик учрашувлари жамоа сифатида ўсишимизга ёрдам беради.
Терма жамоа либосида доимо ғалаба қозониш шарт. Испаниялик футболчилар ҳар тарафлама шаклланган бўлади, бироқ бизнинг ҳам ўз режаларимиз бор.
Барча футболчилар асосий таркибга муносиб, эртанги ўйинга ким тайёр бўлса, албатта, майдонга туширамиз, Испания ва Мисрга қарши ўйинларда барча футболчиларга имконият берилади.
Тимур Кападзе, Ўзбекистон ОТЖ бош мураббийи
Аввало таклиф учун ташаккур билдирмоқчиман, ушбу баҳс кескин курашларга бой бўлади, деб ўйлайман. Бош мураббийингиз Тимур Кападзени Осиё ўйинларидаги ажойиб иштирок билан табриклайман.
Ўзбекистоннинг ўйинларини кузатиб шунга амин бўлдикки, жамоа жуда кучли. Бизни қийин синов кутиб турибди.
Бу биз учун Қозоғистонга қарши учрашув олдидан жуда муҳим ўйин бўлади. Шу боисдан ушбу баҳс ташкил этилди.
Санти Дениа, Испания ёшлар терма жамоаси бош мураббийи
Изоҳ (0)