А Серия. Оливье Жиру дарвозабон бўлган ўйинда “Милан” қийин ғалабага эришди, “Ювентус” Турин дербисида ишончли ҳисобда зафар қучди, “Интер”да дуранг (видео)

Футбол бўйича Италия А Сериясининг 8-туридан ўрин олган ўйинлар 7-октябрь, шанба куни бўлиб ўтди.

“Милан” сафарда “Женоа” меҳмони бўлди. Учрашувнинг 87-дақиқасида Кристиан Пулишич томонидан урилган гол ягоналигича қолди ва миланликларга ғалаба келтирди. Қайд этиб ўтиш жоиз, “Женоа” сафида Хосеп Мартинес қизил карточка олган бўлса, 90+3-дақиқада “россонери” сафида дарвозабон Майк Менян майдондан четлатилди. Қолган бир неча дақиқада Оливье Жиру дарвозабон вазифасини бажариб, сейвлар амалга оширди.

“Интер” “Болонья” билан 2:2 ҳисобида дуранг қайд этди. “Нераззури” таркибида Ачерби ҳамда Мартинеслар гол муаллифи бўлган бўлса, “Болонья” сафида Орсолини ва Зиркзее ўз ҳисобига гол ёздириб қўйди. 

“Ювентус” Турин дербисида “Торино”га қарши баҳс олиб борди. Учрашувнинг биринчи бўлимида дарвозалар ишғол этилмади. Иккинчи бўлимнинг бошида “Ювентус” ҳисобни очди. 47-дақиқада Федерико Гатти ўз номига гол ёздириб қўйди. 62-дақиқада Аркадиуш Милик рақиб дарвозасини ишғол қилди. Шу тариқа “Ювентус” ишончли ҳисобда ғалаба қозонди.

А Серия

8-тур баҳслари

7-октябрь, шанба

“Женоа” – “Милан” 0:1

Гол: 0:1 – 87 Пулишич.

“Женоа”: Жозеп Мартинес, Сабелли (Экубан, 68), де Винтер, Бани, Дрегушин, Васкес, Хапс (Пушкаш, 90), Малиновский (Кутлу, 68), Торсбю, Френдруп, Гудмундссон.

“Милан”: Менян, Флоренси (Калабрия, 66), Томори, Тиав, Эрнандес, Адли (Жиру, 66), Рейндерс, Муса, Чуквуэзе (Пулишич, 46), Окафор (Рафаэл Леау, 46), Йович (Бартезаги, 90).

Огоҳлантиришлар: Жилардино (9), Эрнандес (21), Флоренси (22), Муса (47), Адли (62), де Винтер (69), Жозеп Мартинес (86), Томори (90).

Четлатиш: Менян (90), Жозеп Мартинес (90).

“Интер” – “Болонья” 2:2

Голлар: 1:0 – 11 Ачерби, 2:0 – 13 Мартинес, 2:1 – 19 Орсолини (пенальти), 2:2 – 52 Зиркзее.

“Интер”: Зоммер, Думфрис (Куадрадо, 55), Ачерби, Павар, Бастони, Димарко (Карлос Аугусто, 55), Мхитарян (Фраттези, 76), Чалҳанўғлу (Аслани, 83), Барелла, Тюрам (Санчес, 55), Мартинес.

“Болонья”: Скорупски, Де Силвестри (Корасса, 83), Бекема, Калафори, Ликояннис, Фройлер, Эбишер, Фергюсон, Орсолини (Эл-Аззузи, 83), Ндое (Салемакерс, 61), Зиркзее (ван Хойдонк, 78).

Огоҳлантиришлар: Ндое (33), Мартинес (58), Индзаги (71), Бастони (90), Фергюсон (90), Бекема (90).

“Ювентус” – “Торино” 2:0

Голлар: 1:0 – 47 Гатти, 2:0 – 62 Милик.

“Ювентус”: Шенсни, Данило, Бремер, Гатти, Веа, Костич (Камбязо, 76), Рабьо, Локателли, Маккенни, Миретти (Милик, 46), Кин (Йилдиз, 86).

“Торино”: Милинкович-Савич, Белланова, Родригес (Войвода, 84), Схюрс, Тамез, Лазаро (Гинейтис, 84), Влашич, Илич (Пеллегри, 84), Риччи, Сек (Санабрия, 71), Сапата.

Огоҳлантиришлар: Белланова (21), Гатти (71).