Ханчжоу—2022 ХIX ёзги Осиё ўйинлари 30 сентябрь, шанба куни давом эттирилмоқда.
Ўзбекистонлик курашчи Муҳсин Ҳисомиддинов ўз титуллари ҳисобига 19-Осиё ўйинлари ғолиблигини ҳам ёзиб қўйди. Бу ҳақида Халқаро Кураш ассоциацияси Президенти матбуот котиби Жамшид Намозов Дарёга хабар берди.
Хитойнинг Ханчжой шаҳрида бўлиб ўтаётган Осиё ўйинлари Кураш баҳсларида +90 кг вазн тоифасида Муҳсин Ҳисомиддинов барча рақибларини мағлубиятга учратди.
Дастлаб Хитой Тайпейилик Курашчи Муҳсин полвон синовидан ўта олмади. Чорак финалда Ироқлик курашчининг ҳужум қилиш жараёнида қулай вазиятдан фойдаланган Муҳсин Ҳисомиддинов елка усули орқали рақибини ҳалол баҳоси билан таслим этди.
Ярим финал баҳсида Ҳисомиддионовга таиландлик Кунатҳип Еа-Он дуч келди. Икки рақиб 2022 йил Пунада ўтказилган жаҳон чемпионатида ҳам беллашган эди. Ҳисомиддинов бу сафар ҳам таиландлик рақибини мағлуб этди.
Финал беллашувида Туркманистоннинг таниқли курашчиси Тежен Теженов Муҳсин Ҳиссомидиновдан мағлубиятни қабул қилди.
Муҳсин Ҳисомиддинов Халқаро Кураш ассосиасияси рейтингида мутлоқ вазн тоифасида Дунёдаги 1-рақамли курашчи ҳисобланади.
Унинг ҳисобида 4 карра жаҳон чемпиони (2015 йил Эрон, 2017 йил Туркия, 2019 йил Жанубий Корея, 2022 йил Ҳиндистон), 2 карра Осиё чемпиони (2018 йил Ҳиндистон, 2023 йил Хитой) деган ютуқлар бор.
Шунингдек, -66 кг вазн тоифасида Ўзбекистон шарафини ҳимоя қилган Артём Штурбабин чемпионликни қўлга киритди. Штурбабин финалда эронлик Мажид Бариманлоуни доғда қолдирди.
-52 кг вазн тоифасининг финал беллашувида эса Ўзбекистон терма жамоасининг икки нафар вакили ўзаро тўқнаш келди. Қизиқарли баҳс Ҳилола Ортиқбоеванинг ғалабаси билан якунланди. Ситора Элмуродова эса мусобақани кумуш медалга сазовор бўлди.
Изоҳ (0)