Тошкентнинг айрим жойларида 18-сентябр куни иссиқ сув таъминоти вақтинча тўхтатилди. Бу ҳақда Veolia Energy Telegram канали хабар берди.
Иссиқлик трассасидаги бузилишларни бартараф этиш ва тегишли жиҳозларни алмаштириш бўйича авариявий таъмирлаш ишлар олиб борилаётгани муносабати билан бугун, 18-сентябр куни пойтахтнинг қуйидаги манзилларида вақтинчалик иссиқ сув таъминоти тўхтатилди:
- Мирзо Улуғбек тумани — Бўз-2, Феруза массивлари, Т.Малик, С.Заде, Мирзо Улуғбек, Феруза (Қодиров) кўчалари.
- Миробод тумани — Янги-Замон, Сайхун, Талимаржон кўчалари.
- Олмазор тумани — Вузгородок массиви.
Фавқулодда ишлар тугаллангандан сўнг (тахминан соат 21:00 гача) иссиқ сув таъминоти тикланади.
Veolia Energy Tashkent вақтинчалик ноқулайликлар учун олдиндан узр сўрайди ва иссиқ сув таъминотини тезроқ тиклаш учун барча зарур чораларни кўради.
Шунингдек, куз-қиш мавсумига тайёргарлик ишлари доирасида пойтахт туманларида газ таъминоти тизимида таъмирлаш ва созлаш ишлари олиб борилади. Шу муносабат билан Яшнобод, Учтепа ва Бектемир туманларининг баъзи маҳалла ва кўчаларида газ таъминоти қисман тўхтатилади.
Яшнобод туманида 18 сентябрь куни 10:00 дан 18:00 гача:
- “Қурувчилар” маҳалласида;
- “Иноқобод”маҳалласининг Шавкат, Чашма, Чарос, Саодат кўчаларида;
- “Чинор” маҳалласида;
- Улгуржи истеъмолчилар — 15 та.
Учтепа туманида 11:00 дан 16:00 гача:
- “Фозилтепа” маҳалласида;
- Улгуржи истеъмолчилар 8 та.
Бектемир туманида 19-сентябр куни 9:00 дан 19:00:
- “Ийк ота” маҳалласи;
- Улгуржи истеъмолчилар 62 та;
Бундан олдин Тошкентнинг айрим туманлари ҳудудида электр энергияси таъминоти вақтинча тўхтатилиши тўғрисида хабар берилганди.
Изоҳ (0)