Шимолий Корея етакчиси Ким Чен Ин Россияга сафарини давом эттирмоқда. 15 сентябрь куни у Хабаровск ўлкасидаги Комсомольск-на-Амурга ташриф буюрди, у ерда Су-35 ва Су-57 қирувчи самолётларини, шунингдек, СЖ-100 йўловчи самолётларини йиғадиган авиация корхоналарини кўздан кечирди. Ким Чен Инга Су-35 қирувчисининг кўргазмали парвози ҳам намойиш қилинди.
.jpg)
Шимолий Корея раҳбарига Россия саноат ва савдо вазирлиги раҳбари Денис Мантуров ҳамроҳлик қилди.
“Биз авиасозлик соҳасида ҳам, саноатнинг бошқа тармоқларида ҳам ҳамкорлик салоҳиятини кўрмоқдамиз – бу, айниқса, технологик суверенитетга эришиш бўйича мамлакатларимиз олдида турган вазифаларни амалга ошириш учун долзарб аҳамиятга эга”, — деди Мантуров.
Комсомолск-на-Амур шаҳридан Ким Чен Иннинг зирҳли поезди Владивостокга йўл олди.
Ким Чен Иннинг Россияга сафари унинг охирги тўрт йил ичида хорижий давлатга амалга оширган илк расмий ташрифи ҳисобланади. 13 сентябрь куни Шимолий Корея етакчиси “Восточний” космодромига ташриф буюриб, у ерда Россия президенти Владимир Путин билан музокара ўтказганди. Шимолий Кореянинг Корея давлат марказий ахборот агентлиги (KCNA) хабар беришича, Ким Чен Ин Путинни Шимолий Кореяга таклиф қилган, Путин эса “таклифни мамнуният билан қабул қилган”.
Изоҳ (0)