Франциянинг собиқ президенти Николя Саркози Украина НАТО ва Европа Иттифоқига қўшилишдан бош тортиши кераклигини айтди. Бу ҳақда BFМTV хабар берди.
Саркози урушни тугатиш учун “Путин билан гаплашиш” кераклигини илгари сурди.
“Мазкур урушда 500 минг одам ҳалок бўлди. Агрессор бор — Россия, Путин. Қурбон эса Украина. Лекин бу вазиятдан қандай чиқиш ҳақида ўйлай оламизми?”, — деди у.
Собиқ президентнинг фикрича, урушни тугатишнинг икки йўли бор: Россияни йўқ қилиш ва дипломатик муҳокама.
“Аммо биз дунёдаги иккинчи йирик ядровий давлатни йўқ қилмоқчи эмасмиз, акс ҳолда дунё кенг кўламли урушга киришиш хавфи бор”, — таъкидлади у.
Шунингдек, Саркози Путин билан суҳбатни имконсиз деб ҳисоблайдиганлар “одатда у билан ҳеч қачон учрашмаганлар” эканини айтди. Франция собиқ президенти Украина “бетараф қолиши” кераклигини такрорлади.
Изоҳ (0)