Қашқадарё вилоятининг Муборак туманида пахта йиғим-терими учун ташкилот ходимларидан мажбурий тарзда бир миллион сўмдан пул йиғилаётгани хабар берилди. Вилоят ҳокимлиги мазкур хабарни рад этмоқда.
Журналист Шуҳрат Шокиржонов “Муборак иссиқлик электр маркази” ходимлари унга мурожаат қилиб, пахта терими учун корхона ходимларидан йиғди-йиғди бошланганини маълум қилган.
Қашқадарё вилояти Муборак тумани “Муборак иссиқлик электр маркази”да ишлайман. Бизга раҳбарлар пахта терими учун зарбдор терим гаплашиб, пулини беришимизни айтишяпти, яъни ҳамма беришга мажбур, дейишяпти. Бир киши бошига икки ой учун бир миллион сўм белгиланган. Шу мумкинми?, — дейилади журналистга юборилган мурожаатда.
Мазкур хабарга жавоб қайтарган вилоят ҳокимлиги ахборот хизмати раҳбари Аҳрор Содиқов бунга раддия берди.
Шокиржонов Telegram каналида Муборак тумани “Муборак иссиқлик электр маркази” ходимлари пахта теримига киши бошига 1 миллион сўм йиғиш бўйича топшириқ берилгани юзасидан эълон қилинган хабар ишчи гуруҳ томонидан ўрганилди. Аниқланишича, марказ раҳбарияти томонидан бундай топшириқ берилмаган ва бу хабар ҳақиқатга тўғри келмайди, — дейди Аҳрор Содиқов.
Изоҳ (0)