Футбол бўйича халқаро ўртоқлик ўйини доирасида Ўзбекистон терма жамоаси 9 сентябрдан 10 сентябрга ўтар кечаси АҚШ терма жамоасига қарши баҳс олиб борди.
Учрашувнинг дастлабки дақиқалариданоқ ҳисоб очилди. АҚШ терма жамоаси футболчиси Тимоти Веа ўз ҳисобига гол ёздириб қўйди. Биринчи бўлимда иккала жамоада ҳам бир қанча имкониятлар бўлишига қарамасдан, дарвозалар ишғол этилмади.
Иккинчи бўлимда ҳам жамоалар дарвозаларни ишғол қилишга яқин келди. Ўйин якунида эса Рикардо Пепи мезбонларнинг иккинчи голига муаллифлик қилди. 90+5-дақиқада эса Кристиан Пулишич пенальтини аниқ амалга ошириб, ҳисобни йирик кўринишга олиб келди. Шу тариқа АҚШ 3:0 ҳисобидаги ғалабани расмийлаштирди.
Сречко Катанец жамоаси 12 сентябрь куни Мексикага қарши ўртоқлик ўйинида майдонга тушади.
Халқаро ўртоқлик ўйини
9 сентябрь, шанба
АҚШ – Ўзбекистон 3:0
Гол: 1:0 — 4 Веа, 2:0 — 90+1 Рикардо Пепи, 3:0 — 90+5 Пулишич (пенальти).
АҚШ: Метт Тёрнер, Сержиньо Дест, Крис Ричардс (Марк Маккензи, 64), Антони Робинсон, Юнус Муса, Вестон МакКенни (Кристоффер Лунд, 81), Кристиан Пулишич, Тим Рим, Лука де ла Торре (Таннер Тессманн, 35), Флориан Балогун (Рикардо Пепи, 46), Тим Веа (Бренден Ааронсон, 64).
Ўзбекистон: Ўткир Юсупов, Ҳожиакбар Алижонов, Фарруҳ Сайфиев (Азиз Турғунбоев, 68), Рустам Ашурматов (Азиз Ғаниев, 68), Отабек Шукуров (Жамшид Искандеров, 82), Одил Ҳамробеков, Жалолиддин Машарипов (Аброр Исмоилов, 86), Остон Ўрунов (Шерзод Насруллаев, 67), Элдор Шомуродов (Бобир Абдухолиқов, 82), Умар Эшмуродов, Ҳусниддин Алиқулов.
Огоҳлантиришлар: Крис Ричардс (49), Ҳожиакбар Алижонов (63).
Изоҳ (0)