Футбол бўйича халқаро ўртоқлик ўйини доирасида Ўзбекистон терма жамоаси 13 сентябрь тонгида Мексика терма жамоасига қарши баҳс олиб борди.
Учрашувнинг 18-дақиқасида қанотдан узатиб берилган тўпни Бобур Абдухолиқов бош билан рақиб дарвозасига жойлаб қўйди ва ҳисобни очди. Бироқ, орадан 3 дақиқа ўтиб, Рауль Хименес ўртадаги мувозанатни тиклади. Биринчи бўлим сўнгида эса Шукуровнинг ажойиб узатмасини Азизбек Турғунбоев голга айлантирди ва Ўзбекистон танаффусга 2:1 ҳисобидаги устунлик билан йўл олди.
Иккинчи бўлимда ҳам ҳужумлар бўлиб туришига қарамасдан, 81-дақиқага келиб, гол урилди. Рауль Хименес дубль муаллифига айланди. 88-дақиқада эса Антуна мексикаликларни ҳисобда олдинга олиб чиқди. Ҳакам қўшиб берган дақиқаларда эса Отабек Шукуров жарима зарбасидан тўпни Очоа дарвозасига михлаб қўйди.
Шу тариқа учрашув 3:3 ҳисобидаги дуранг натижа билан якунланди.
Эслатиб ўтамиз, Сречко Катанец шогирдлари халқаро ўртоқлик ўйини доирасида АҚШ терма жамоасига ҳам қарши баҳс ўтказиб, 0:3 ҳисобида имкониятни бой берганди.
Халқаро ўртоқлик ўйини
13 сентябрь, чоршанба
Мексика – Ўзбекистон 3:3
Голлар: 0:1 — 18 Абдухолиқов, 1:1 — 21 Хименес, 1:2 — 45+1 Турғунбоев, 2:2 — 81 Хименес, 3:2 — 88 Антуна, 3:3 — 90+2 Шукуров.
Мексика: Очоа, Алварез, Вазкез, Сепулведа, Ангуло, Э.Алварез, Родригез, Пинэда, Ҳуэрта, Алварадо, Хименез.
Ўзбекистон: 1. Ўткир Юсупов, 4. Фарруҳ Сайфиев, 7. Отабек Шукуров, 9. Одил Ҳамробеков, 10. Жалолиддин Машарипов, 19. Азиз Турғунбоев, 15. Умар Эшмуродов, 18. Абдулла Абдуллаев, 17. Бобир Абдухолиқов (Остон Ўрунов, 70) 22. Дилшод Саитoв (Шерзод Насруллаев, 46) 23. Ҳусниддин Алиқулов.
Огоҳлантиришлар: Хесус Ангуло (26), Ҳусниддин Алиқулов (38), Жилберто Сепулведа (54).
Изоҳ (0)