Россия Мудофаа вазирлиги 10 сентябрга ўтар кечаси Қора денгизда Украина армиясининг десант гуруҳлари бўлган учта тезюрар катерни йўқ қилганини маълум қилди.
![](/static/2023/zulfiya/photo_2023-09-10_11-53-44.jpg)
Вазирликнинг даъво қилишича, Америкада ишлаб чиқарилган Willard Sea Forcе катерлари Змейний оролининг шимоли-шарқида Қора денгиз флотининг ҳарбий-денгиз авиацияси самолётлари томонидан йўқ қилинган.
Россия Мудофаа вазирлиги, шунингдек, аннексия қилинган Қрим ҳудудида тунда саккизта дрон йўқ қилгани ҳақида хабар берган.
4 сентябрь куни Россия Змейний ороли ҳудудида бортида десантлар бўлган тўртта Украина катери йўқ қилинганини билдирганди. 30 август куни тўртта, 22 август куни эса битта катерга ҳужум қилингани айтилган.