Шимолий Корея халқ армияси Жанубий Кореядаги қўмондонлик пунктлари ва аэродромларга тактик ядро зарбасини бериш бўйича тақлидий машғулотлар ўтказди, деб хабар бермоқда Корея марказий телеграф агенетлиги (KCNA).
Бу АҚШ ва Жанубий Кореянинг Б-1Б стратегик бомбардимончи ва қирувчи самолётлари эскадрони иштирокидаги машғулотларига жавоб бўлди. Пхеньян нинг фикрича, икки давлат машғулотларининг мақсади — КХДРга профилактик ядровий зарба беришга тайёргарлик кўриш.
Шимолий Корея ҳарбийлари шимоли-шарқий йўналишда иккита тактик баллистик ракетани учирган, улар нишондан 400 метр баландликда ҳавода портлаган.
Жанубий Корея ва АҚШ 21 августдан бери Улчи Freedom Shield машқларини ўтказмоқда, улар 31 августда якунланиши керак.
Бундан олдин Шимолий Корея Япон денгизи томон иккита қисқа масофали баллистик ракета учирганди, деб хабар берди Жанубий Корея Бирлашган штаб бошлиқлари. Ҳарбийларга кўра, ҳар бир ракета тахминан 360 километр масофани босиб ўтган, шундан сўнг денгизга қулаган. Жанубий Корея парвозларни “жиддий провокация” деб атади.
2022 йилда КХДР ядро қонунини қабул қилди, унга кўра, республиканинг стратегик объектларига ҳужум хавфи туғилганда давлат душманга автоматик равишда ядро зарбаси бериши мумкин.
Изоҳ (0)