Ўзбекистоннинг қайси ҳудудларида истеъмолчилар кўпроқ кешбэкка эга бўлгани маълум қилинди.
Аниқланишича, июль ойи учун тўланган кешбэк суммаси 102,6 миллиард сўмга етди. 25 августда 1,6 миллиондан ортиқ истеъмолчига 86,4 миллиард сўм, 28 августда 1,7 миллиондан ортиқ истеъмолчига яна 16,2 миллиард сўм кешбэк тўлаб берилди.
Тўланган кешбэкларнинг энг катта қисми қуйидаги ҳудудларга тўғри келмоқда:
- Тошкент шаҳар — 40,7 миллиард сўм;
- Тошкент вилояти — 12,7 миллиард сўм;
- Самарқанд вилояти — 8,8 миллиард сўм;
- Фарғона вилояти — 6,1 миллиард сўм;
- Қашқадарё вилояти — 4,9 миллиард сўм.
Ушбу истеъмолчилар кешбэк суммаларини банк карталарига ўтказиб олиши мумкин. Бугун, 29 август куни яна 13 миллиард сўмдан ортиқ кешбэк тўлаб берилади.
Изоҳ (0)