“Биз ўзлигимиз, урф-одатимизни тиклашимиз керак-ку”. Шавкат Мирзиёев ўқитувчилар обрўсини кўтариш ҳақида гапирди

Шавкат Мирзиёев мактаб таълими бўйича ўтказилаётган видеоселекторда ўқитувчилар обрўсини кўтариш ҳақида гапирди. 

Президент илгари ўқитувчиларга ҳурмат бошқача бўлганини, муаллимларга йўлдан беш метр четга чиқиб салом берилганини таъкидлаган. Шунингдек, ўзликни, урф-одатни тиклаш кераклигини қайд этган. 

“Ёшлигимизда ўқитувчиларга йўлдан беш метр четга чиқиб салом берардик. Ҳозир шунақа борми? Нима ўзгарди? Замон тезлашди, компьютер кирди, лекин биз ўзлигимиз, урф-одатимизни тиклашимиз керак-ку? Нега маънавиятчилар устозга эътибор қилинглар деб айтмайди? Эй, устозга эътибор қилинглар, ота-оналарга бориб, боланг оқсоқолларга салом беришни ҳам билмас экан, деб айтмаймиз? Нима билан шуғулланяпмиз?”, — Шавкат Мирзиёев.