Профессионал бокснинг биринчи ярим енгил вазн тоифасида собиқ жаҳон чемпиони Муроджон Аҳмадалиев навбатдаги рақибига аниқлик киритилди.
WBA қарорига кўра, Муроджон Аҳмадалиев навбатдаги жангини япониялик Томоки Камедага қарши ўтказади. Бу ҳақида спортчининг ўзи Instagram саҳифасида ҳам маълум қилди.
Жанг санаси ҳозирча аниқ эмас. Томонлар 30 кун ичида жанг бўйича келишувга эришиши лозим. Агар келишув амалга ошмаса, промоутерлик савдоси ташкил этилади.
Баҳс ғолиби эса ҳозирда Марлон Тапалесга тегишли бўлган камар учун мажбурий даъвогарга айланади.
Аҳмадалиевнинг рақиби япониялик Камеда фаолияти давомида 43 та жанг ўтказиб, 40 та ғалабага эришган.
Муроджон апрель ойида филиппинлик Марлон Тапалесга қарши жангда мағлубиятга учраб, WBA ва IBF камарларини бой берганди.
Изоҳ (0)