АПЛ. “Арсенал” сафарда рақиби устидан минимал ҳисобда ғалаба қозонди (видео) 

Футбол бўйича Англия Премьер Лигасининг 2-турида “Арсенал” 21 август, душанба куни “Кристал Пэлас” меҳмони бўлди.

Учрашув деярли тўлиқ “канонирлар”нинг назорати остида ўтди. Биринчи бўлимда дарвозалар ишғол этилмаган бўлса, иккинчи бўлимда меҳмонлар ҳисобни очди. 53-дақиқада Мартин Эдегор пенальтидан унумли фойдаланиб, ўз ҳисобига гол ёздириб қўйди.

67-дақиқада эса Такеҳиро Томиясу қизил карточка олиб, майдонни тарк этди. Қолган дақиқаларда “Арсенал” бир киши кам бўлиб ҳаракат қилди ва ғалабани сақлаб қола олди.

Шу тариқа Микель Артета шогирдлари чемпионатдаги иккинчи ўйинида ҳам ғалаба қозонди. Илк турда лондонликлар “Ноттингем Форест” устидан 2:1 ҳисобида зафар қучганди.

АПЛ

2-тур

21 август, душанба

“Кристал Пэлас” — “Арсенал” 0:1

Гол: 0:1 – 53 Эдегор (пенальти).

“Кристал Пэлас”: Жонстон, Уорд (Рак-Саки, 83), Андерсен, Геҳи, Митчелл, Шлупп (Аҳамада, 74), Лерма, Эзе, Дукуре, Айю, Эдуар.

“Арсенал”: Рэмсдейл, Уайт, Салиба, Томиясу, Эдегор (Зинченко, 89), Райс, Ҳаверц, Парти, Сака (Кивер, 89), Мартинелли (Габриэль, 70), Нкетиа (Жоржиньо, 79).

Огоҳлантиришлар: Айю (27), Томиясу (60), Дукуре (90), Ҳаверц (90).

Четлатиш: Томиясу (67).