Гавайидаги йирик ўрмон ёнғинлари камида 115 кишининг ҳаётига зомин бўлди, 1 000 га яқин одам бедарак йўқолди. Бу ҳақда 23 август куни Associated Press хабар берди.
Гавайидаги офатдан энг кўп зарар кўрган Мауи ороли полицияси маълумотларига кўра, 21 август ҳолатига кўра, ёнғин оқибатида 115 киши ҳалок бўлгани тасдиқланди.
Қутқарувчилар офат ҳудудида жойлашган барча бир қаватли уйларни тинтиб чиқди. Гуруҳлар кўп қаватли турар жой бинолари ва савдо объектларини кўздан кечирмоқда.
Федерал қидирув бюросининг тасдиқланмаган рўйхатида 1000 дан 1100 гача одам бедарак йўқолганлар сифатида қолмоқда.
Гавайи ҳукумати оролда топилган жасадларнинг шахсини аниқлаш бўйича ҳаракатларни тезлаштириш бедарак йўқолганларнинг қариндошларини ДНК намуналарини тақдим этишга чақирди.
Қайд этилишича, аланга Мауи оролидаги Лахайна курорт шаҳрини қамраб олганидан икки ҳафта ўтгач, расмийлар қурбонлар, бедарак йўқолганлар ва шаҳарни тарк этганлар шахсини аниқлашда катта қийинчиликка дуч келган, бироқ бу ҳақда хабар бермаган.
Изоҳ (0)