Гавайи архипелагидаги энг йирик ороллардан бири Мауида содир бўлган ўрмон ёнғинлари ҳозиргача 110 кишининг ҳаётига зомин бўлди. Бу ҳақда CNN АҚШнинг Гавайи штати губернатори Жош Гринга таяниб, хабар бермоқда.
Жош Грин Бош прокурорга ёнғин хавфи ҳақида одамлар кеч хабардор қилингани масаласида текширув ўтказишни топширган. Reuters хабарига кўра, ёнғинда тревога сигналини берувчи сиреналар ишламаган.
Байден ва рафиқаси Гавайига боради. Оқ уй баёнотида айтилишича, АҚШ президенти Жо Байден ва унинг рафиқаси 21 август куни Гавайи штатига бориб, Мауи оролига биринчи тиббий ёрдам кўрсатганлар, ёнғинда жароҳатланганлар ҳамда штат ва маҳаллий расмийлар билан учрашади.
Гавайида ўрмон ёнғинлари 8 август куни бошланди. Сайёҳлар орасида машҳур бўлган Лахайна шаҳри бутунлай ёниб кетди. 14 минг киши эвакуация қилинди.
Тахминларга кўра, ёнғинларни архипелагдан жанубга қараб ҳаракатланаётган “Дора” тўфони келтириб чиқарган бўлиши мумкин. Тезлиги 130 километр/соатга етган кучли шамол таъсирида аланга тезда қуруқ ўт ва биноларга тарқалган. Бироқ ёнғинларнинг аниқ сабаблари ҳозиргача номаълум.
.jpg)
.jpg)
Изоҳ (0)