Ўзбекистон ва Ҳиндистон Наманган вилоятида соғломлаштириш марказини ташкил этиш истиқболларини ўрганмоқда, деб хабар берди “Дунё” АА.
Маълум қилинишича, Ўзбекистоннинг Деҳлидаги элчихонаси кўмагида Наманган вилояти ҳокимининг ўринбосари Окибжон Иномов ва EI Company компанияси (Ҳиндистон) раҳбари Митеш Верма ўртасида учрашув ўтказилди.
Мулоқот чоғида Чортоқ туманида ўзаро ҳамкорликда санаторий ва соғломлаштириш марказини ташкил этиш лойиҳасини амалга ошириш истиқболлари муҳокама қилинди.
Томонлар янги қўшма соғломлаштириш масканини барпо этиш билан боғлиқ ташкилий масалаларга алоҳида эътибор қаратди. Уни замонавий асбоб-ускуналар билан таъминлаш, энг сўнгги билим ва технологияларни жорий қилиш, мутахассислар малакасини тизимли тарзда ошириб бориш бўйича чоралар кўриш юзасидан ўзаро фикр алмашилди.
Ҳиндистон компанияси томонидан мазкур лойиҳани ҳаётга татбиқ этиш доирасида 5 миллион АҚШ доллари миқдоридаги сармоя киритилиши режалаштирилмоқда.
Изоҳ (0)