“Толибон”га қарши Афғонистон озодлик фронти кучлари Кобулдаги “Толибон” лагерига ҳужум уюштирганини маълум қилди. Уларнинг баёнотида айтилишича, толиблардан тўрт киши ҳалок бўлган, яна олти киши ярадор қилинган.
Озодлик фронти сайтида айтилишича, ҳужум 16 август куни кечқурун Кобул шаҳрининг 11-мавзеси “Панжшир Ват” ҳудудида амалга оширилган. Ҳужумда енгил ва оғир қуроллар, жумладан ракеталардан фойдаланилган.
Ҳозирча “Толибон” расмийлари ҳужум ҳақидаги маълумотларга изоҳ бергани йўқ.
12 августда ҳам озодлик фронти Кобулдаги “Толибон” лагерига ҳужум қилгани, ҳаракатнинг беш аъзосини ўлдиргани ҳақида хабар берганди.
Афғонистон озодлик фронти ҳақида
Озодлик фронти “Толибон” 2021 йилда Афғонистонни эгаллаб олганидан олти ой ўтиб тузилган. Фронт аъзоларининг аксарияти собиқ афғон армиясининг аскарлари. Озодлик фронти Аҳмад Масъуд бошчилигидаги Миллий қаршилик фронти сингари “Толибон”га қарши ҳарбий ҳужумлар уюштирмоқда.
Маълумотларга кўра, озодлик фронтини афғон ёшлари бошқаради, унинг тепасида бирорта ҳам таниқли шахс йўқ.
Изоҳ (0)