Аргентинада июль ойида нархларнинг ўсиши 6,3 фоизни ташкил этди, йил бошидан бери инфляция 60 фоиздан ошди. Бу ҳақда Республика Статистика ва аҳолини рўйхатга олиш институти томонидан эълон қилинган маълумотларда маълум қилинди.
“2023 йил июль ойида истеъмол нархлари индексининг умумий даражаси 6,3 фоизга ўсди, жами ўсиш 60,2 фоизни ташкил этди. Ўтган йилнинг шу ойига нисбатан ўсиш 113,4 фоизни ташкил этди”, — дейилади хабарда.
Ҳисобот тузувчилари маълумотларига кўра, июль ойида алоқа хизматлари энг кўп (12,2 фоизга) ошган. Улардан кейин дам олиш ва маданият соҳалари бормоқда, бу соҳада нархлар 11,2 фоизга ошган. Озиқ-овқат нархлари эса 5,8 фоизга ўсди.
Аргентина бир неча йиллардан буён энг юқори инфляцияга эга давлатлар қаторига киради. Февраль ойида йиллик инфляция 102,5 фоизга етди, бу 1991 йилдан бери энг юқори кўрсаткичдир.
2022 йил якуни бўйича нархлар ўсиши 94,8 фоизни, 2021 йилда – 50,9 фоизни, 2020 йилда – 36,1 фоизни, 2019 йилда эса 53,8 фоизни ташкил этганди.
Изоҳ (0)