Европа Иттифоқи давлатлари 1 сентябрдан бошлаб санкцияланган товарларнинг Россия орқали учинчи давлатларга, жумладан, Ўзбекистонга транзитини бутунлай тақиқлайди. Бу ҳақда VPostMedia нашри хабар берди.
Россия логистика ва ташқи савдо компаниялари европалик контрагентлардан шундай хабарнома олгани айтилмоқда.
ОАВ Россия Қозоғистон, Ўзбекистон ва Қирғизистонга транзит ниқоби остида Болтиқбўйи давлатларидан санкцияга киритилган товарлар, жумладан, асбоб-ускуналар ва бошқа механик қурилмаларни сотиб олганини таъкидлади.
“Ғарб бундан жуда яхши хабардор эди. Кавказ ва Марказий Осиё мамлакатларига транзит орқали жўнатилган товарларнинг қарийб ярми Россияда қолган, Европа тикланиш ва тараққиёт банки бунинг учун ҳатто ‘Евросиё карусели’ атамасини ҳам ўйлаб топган”, — деб тушунтирди ОАВ.
Транзит устидан назоратни кучайтириш Европа Иттифоқининг Россияга қарши 11-санкциялар пакетида назарда тутилган.
Нашрнинг қайд этишича, ҳозирда Европа Иттифоқидан Россияга бундай маҳсулотларни импорт қилишнинг энг осон йўли Туркия орқалидир.
Бироқ мамлакат баҳордан бери санкцияланган маҳсулотларнинг транзитига рухсат бермади, бу эса уларни учинчи давлатлар – Қозоғистон, Ўзбекистон, Қирғизистон ёки Арманистон орқали ёки Туркияда божхона расмийлаштируви ва қайта қадоқлаш орқали олиб ўтиш зарурлигини билдиради.
Бу иккала усул ҳам анча қиммат ва етказиб бериш нархининг 10-40 фоизини ташкил қилади.
“Европа ва АҚШдан Арманистон, Грузия, Қозоғистон, Қирғизистон ва Ўзбекистонга умумий экспорт ҳажми 2022 йилда 9,7 млрд долларга ёки 66 фоизга ошиб, 24,3 млрд долларни ташкил этди. Бу беш давлатдан Россияга экспорт ҳажми эса 4,8 млрд долларга ўсган. Бу 2021 йилга нисбатан қарийб 50 фоизга ошиб, 15 млрд долларни ташкил қилган”, — хабар берганди Тҳе Washington Post нашри.
Изоҳ (0)