Ижтимоий тармоқ ва мессенжерларда Louis Vuitton брендининг янги аксессуари акс этган суратлар тарқалмоқда. Бренднинг янги маҳсулоти — қимматбаҳо термосумка.
Маҳсулот табиий теридан тикилган ва ультрареалистик материал билан қопланган. Кичкина шаклдаги Freezer Handle Soft Trunk сумкасига бренд сандиқчаси, унинг чеки ва олма сурати туширилган.
Катта шаклдаги Freezer Sac Plat сумкасида круассан, салфетка ва чек сурати бор.
Ижтимоий тармоқ фойдаланувчиларини нафақат термосумканинг ностандарт дизайни, балки унинг нархи ҳам ҳайратда қолдиради. Сумканинг кичик модели бир қатор мамлакатларда 3 700 долларга сотилмоқда. Катта шаклдаги моделни сотиш эса август ойининг охирида бошланади, унинг нархи 3 950 долларни ташкил қилади.
Аввалроқ MSCHF бренди дунёдаги энг кичик сумкани тақдим этганди. Ушбу сумка чумолига ҳам кичиклик қилади. Унинг ҳажми 657х222х700 микрометрга етади, бу туз кристаллидан ҳам кичикроқ.
Изоҳ (0)