“Челси” Англия клублари ичида Килиан Мбаппега асосий даъвогар клуб бўлиб турибди.
The Telegraph нашрининг хабарига кўра, “ПСЖ” вакиллари инглиз клуби билан музокара ўтказмаётган бўлса-да, қандайдир алоқалар мавжуд.
Агар Килиан АПЛга ўтадиган бўлса, айнан “аристократлар” футболчи учун асосий номзод бўлади. “Ливерпуль” Мбаппе учун курашдан чиққан.
Ҳамма гап “Челси” “ПСЖ”нинг Мбаппе учун талаб қилаётган нархни тўлаб бера олишида. Ундан ташқари футболчининг ўзи ҳам АПЛга ўтиш борасида қарор қабул қилгани йўқ.
“Челси”нинг ҳозирги бош мураббийи Маурисио Почеттино Париж клубида Килиан билан бирга ишлаган.
Килианнинг “ПСЖ” билан амалдаги шартномаси 2024 йил ёзда ўз ниҳоясига етади. Футболчи эса ҳозирча уни узайтиришга шошилгани йўқ.
Аввалроқ, Франция президенти Эммануэл Макрон футболчини “ПСЖ”да қолишга кўндиришга уриниб кўрмоқчилиги хабар қилинганди.
Мбаппе ўтган мавсум “ПСЖ” сафида Франция чемпионлигини қўлга киритди ва 29 та гол билан турнир тўпурарига айланди.
Изоҳ (0)