Наманган вилояти, Уйчи тумани орқали Учқўрғон ва Норин туманларини марказ билан боғловчи 17,5 км масофада янги йўналишли автомобиль йўлини реконструкция қилиш лойиҳаси доирасида 1 минг 653 туп дарахтни кесиш ёки кўчиришга рухсатнома сўралган. Бу ҳақда экология вазири маслаҳатчиси Расул Кушербоев маълум қилди.
Айтилишича, мораторий талабларидан келиб чиқиб, Экология, атроф-муҳитни муҳофаза қилиш ва иқлим ўзгариши вазирлиги бошқармаси томонидан рухсатномага рад жавоби берилган.
“Намангандаги ушбу лойиҳа доирасидаги дарахтлар тўлиқ хатловдан ўтказилиб, назоратга олинган.
Таъкидлаш жоизки, вазирлик келгусида ҳам ушбу лойиҳа бўйича дарахтларнинг йўқотилишига олиб келадиган ҳар қандай мурожаат ва топшириқларга рад жавоби беради”, — деди Расул Кушербоев.
Аввалроқ йўл қуриш учун Бухорода 31 минг 371 туп, Сурхондарёда эса 21 минг 803 туп дарахтни кўчиришга рухсат берилмаган эди.
Изоҳ (0)