Миллионлаб инсонлар ҳавас қиладиган қироллик оиласи аъзоларининг ҳам ўз севимли машғулотлари бор. Масалан, марҳум қиролича Елизаветта II тажрибали юк машинаси ҳайдовчиси бўлган, қирол Карл эса рассомчилик билан шуғулланган. Қуйида қироллик оиласи аъзоларининг севимли машғулотлари ҳақида маълумот берилади.
Елизавета II
Марҳум қиролича Елизавета II профессионал механик ва тажрибали юк машинаси ҳайдовчиси бўлганини кам инсон билади. Иккинчи жаҳон уруши пайтида валиаҳд малика ўз мамлакатига қўлидан келганича ёрдам беришга тайёр бўлган ва бошқа минглаб британиялик қизлар сингари ҳам ҳарбий хизматга киришган. Елизаветтага ёрдамчи аёллар ҳудудий корпусига киришга рухсат берилган, бироқ қиролича у ерда ҳайдовчи ва механик сифатида таълим олган. Хавф туғилган пайтда махсус кучларга зарурат бор эди, малика эса ҳақиқатан ҳам янги касбни эгаллаб, корпуснинг энг тиришқоқ ходимларидан бирига айланди.
Қирол Карл
Британия қироллик оиласи меросхўрининг истеъдоди унинг романтик ва нозик характеридан далолат беради. Уэлс шаҳзодаси тасвирий санъат соҳасида маҳоратга эга эди, у расм чизишни яхши кўрарди. Рассом акварелни афзал кўрарди ва асосан ландшафтларга эътибор берарди. Яқинда меросхўрнинг сурати жуда қиммат нархга — икки миллион долларга сотилди. Чарльз ўзини “ҳаваскор” деб атайди, бироқ аслида шаҳзода Қироллик академияси ва Қироллик акварелчилар жамиятининг фахрий аъзоси ҳисобланади.
Қирол Рама IX
2016 йилгача Таиланд ҳукмдори бўлган Ҳумипон Адулядет нафақат дунёдаги энг ҳурматга сазовор монархлардан бири, балки истеъдодли бастакор ҳам эди. Таиланд қиролининг мусиқий мероси валслар, маршлар, у ёзган классик асарлар, шунингдек, инглиз ва тай тилларидаги 49 та қўшиқда мужассам бўлган. Унинг асарларидан бири Рама IX вафотидан кейин “Денгиз пиёдаларининг қироллик марши” Таиланд қироллик денгиз пиёдаларининг расмий мадҳиясига айланган. Шунингдек, Ҳумипон Адулядет кўприклар, тўғонлар ва ҳатто ўзининг елканли қайиғини лойиҳалаштирган истеъдодли муҳандис эди. У фотографияни ҳам яхши кўрарди, шунинг учун Таиланд банкнотларидан бирида камера билан тасвирланган.
Император Акихито
2019 йилгача Япония тахтини эгаллаган император нафақат ўғли фойдасига тахтдан воз кечиш истаги билан, балки ўта ноодатий севимли машғулоти билан ҳам жамоатчиликни ҳайратда қолдирган. Акихито узоқ умрининг муҳим қисмида табиатни ўрганишга эътибор қаратди — у денгиз гобилари бўйича 25 та илмий мақола чоп этди. Қироллик уйларининг бошқа кўплаб вакиллари сингари Акихито ҳам спортни яхши кўрарди ва у теннис ўйнаётган пайтида бўлажак рафиқаси император Мичико билан танишган.
Герцогиня Кетрин
Кембриж герцогиняси, Виндзор сулоласининг бошқа кўплаб аъзолари сингари фотография билан шуғулланади. Унинг истеъдоди қироллик ҳаётини Виндзорларнинг бир вакилини кўзи билан кўришни истаган БCS мухлислари учун катта қувонч эди. Кейт мунтазам равишда Кенсингтон саройининг ижтимоий тармоқлардаги саҳифасига муҳим оилавий саналар ва миллий байрамлар муносабати билан олинган ўзининг муаллифлик суратларини жойлаштириб, жамоатчиликни хурсанд қилган.
Княз Албер II
Европа монархиясининг энг содиқ мухлислари Монако шаҳзодаси ва маликаси спортчи эканини билади. Кўпчилик сузувчи Шарлин Витцтокнинг профессионал карьераси ҳақида эшитган бўлса, Албернинг профессионал бобслеист эканлигини кам инсон билади. Шаҳзода дзюдо ва футболни яхши кўрарди, у кетма-кет бешта қишки Олимпиада ўйинларида қатнашган, Монако жамоасида ўйнаган. Шунингдек Албер икки ва тўрт кишилик мусобақаларда қатнашган, у профессионал спорт карьерасини 2002 йилда якунлаган.
Зара Тиндолл ва малика Анна
Малика Аннанинг қизи Зара Тиндолл Британия от спорти жамоаси аъзоси бўлган ва 2012 йилги Олимпиадада кумуш медални қўлга киритган. Кўпчилик у онасининг орзусини рўёбга чиқарганига ишонади — малика Анна ҳам от спорти билан шуғулланган ва кўплаб мусобақаларда қатнашган, бироқ у бутун ҳаётини спортдаги карьерасига бағишлай олмади, ижтимоий ҳаётни ва хайрия ишларини афзал кўрди. Умуман олганда, Виндзорлар оиласидаги аёллар от спорти билан шуғулланишни яхши кўради. Елизаветта 94 ёшида ҳар куни Racing Post газетасини ўқирди ва от минишни яхши кўрарди. Шунинг учун унинг қизи ва невараси севимли машғулотидан воз кечмайди.
Қирол Абдулла II
Яна бир қироллик оиласи аъзоси Абдулла II ибн Ҳусайн ҳам спортчи ҳисобланади. Иордания қироли нафақат қадимий қуроллар ва бошқа тарихий артефактларни йиғади, шунингдек, сувда шўнғиш ва бошқа сув спортлари каби очиқ ҳавода дам олишни яхши кўради. Абдулла автомобиль пойгаларига ҳам қизиқади, у ралли бўйича собиқ Иордания чемпиони. Қирол парашютдан сакрашни ҳам тўхтатишга мажбур бўлди, сабаби бу мамлакат раҳбари учун жуда хавфли машғулот ҳисобланади.
Изоҳ (0)