Режиссёр Грета Гервигнинг бош ролларни Марго Робби ҳамда Райан Гослинг ижро этган “Barbi” фильми намойишидан сўнгги дам олиш кунларида 155 миллион доллар тўплади ва бу 2023 йил учун рекорд натижа, деб ёзади “ Правила жизни” журнали. “Barbi” “Ака-ука Супер Мариолар кинода” фильмини ортда қолдириб, йилнинг энг яхши касса йиғимини қайд этган дебютига айланди. Апрель ойида тақдим этилган “Ака-ука Супер Мариолар кинода” фильми илк дам олиш кунларида 146,4 миллион доллар даромад келтирган эди.
“Биз намойишнинг илк дам олиш кунларида 75 миллион доллар ишласак керак, деб ўйлагандик. 155 миллион доллар пул келиши ҳеч кимнинг хаёлига келмаган эди”, — дейди фильмни суратга олган Warner Brос. компанияси вакили.
Бундан ташқари, “Barbi”нинг дебюти аёллар томонидан суратга олинган фильмлар орасида кинопрокат тарихидаги энг яхши натижани қайд этди. Аввалроқ рекорд Анна Боден ва Райан Флек суратга олган “Капитан Marvel” фильмига тегишли эди. Ушбу картина АҚШдаги илк дам олиш кунларида 153 миллион доллар тўплаган эди.
Мавзуга доир
×![Lightbox Image]()
Изоҳ (0)