Ҳар бир инсон ҳаётида нимадандир қўрқиб яшайди, бу эса нормал ҳолат саналади. Кимдир қушлар ёки капалакдан чўчиса, яна кимлардир умуман ғалати фобияларга эга. Қуйида суратга олиш жараёнларида қўрқувни бошдан кечирган машҳурлар ҳақида маълумот берилади.
Руперт Гринт — “Гарри Поттер ва махфий ҳужра”
“Гарри Поттер” фильмининг бош қаҳрамонларидан бири Рон Уизли ўргимчаксимон ҳашаротлардан қўрқади, лойиҳада бу ролни гавдалантирган актёр Руперт Гринтда ҳам худди шундай қўрқув бор.
“Мен арахнофобман. Бу менинг ҳаётимга таъсир қилади. Ҳар гал оёқ кийимларимни кийганимда текшириб кўраман. Бундан ташқари чойшаб ва ёстиқларимни ҳам текшираман”, — дейди актёр.
“Гарри Поттер” франшизасининг энг машҳур саҳналаридан бири ўргимчаклар билан боғлиқ. Руперт ушбу саҳнада рол ўйнай олмасди, чунки у каучук бўлишига қарамай, кичик ҳашаротлардан жуда қўрқарди. Фильмда ҳақиқий ўргимчаклардан фойдаланилади деб тахмин қилинган, бироқ ҳеч ким ёш актёрни қўрқитиш ниятида эмасди. Шунинг учун, фильмда турли ўлчамдаги каучукдан ясалган махсус ўргимчаклар графикалар ёрдамида ҳаракатга келтирилган.
Женнифер Лоуренс — “Шафқатсиз ўйинлар”
The hanging tree — “Шафқатсиз ўйинлар” тетралогияси учун махсус ёзилган илҳомлантирувчи қўшиқ. Женнифер Лоуренс гавдалантирган қаҳрамон Китнисс Эвердин ушбу қўшиқни куйлаган саҳна фильм учун жуда муҳим. Режиссёр Френсис Лоуренс қўшиқни айнан актриса ижро этишини истаган. Бироқ Лоуренс учун бу ҳаракат синовга айланди.
Женнифер “Девид Леттерман билан” шоусида турли мусиқий танловларда қатнашгани, бироқ ижобий таассурот ололмагани ҳақида сўзлаб берди. Шундан кейин саҳнада қўшиқ айтиш унинг қўрқувларидан бирига айланди.
Аввалига актриса хонанда Лорддан унинг қўшиғини куйлашини ва монтаж пайтида бу овоз қўшиб юборилишини сўрашга ҳаракат қилди. Охир-оқибат у қўрқувни енгиб, қўшиқ айтишга муваффақ бўлди.
Женнифер Энистон — “Торт”
“Торт” — ўткир сюжетли драма бўлиб, унда Женнифер Энистон ўзининг қанчалик кўп қиррали актриса эканлигини кўрсатиб берди. Кўплаб танқидчиларнинг фикрига кўра, бу фильм “Оскар” мукофотининг номзодлар рўйхатига киритилиши керак эди.
Ёш актрисанинг сувда чўмилиш қўрқуви борлигини кам инсон билади. Бу фобия актрисанинг болалигида бассейнга велосипед билан чўкиб кетганидан кейин пайдо бўлган. Энистоннинг сўзларига кўра, агар унинг акаси бўлмаганида, ҳамма нарса фожиа билан якунланган бўлар эди.
Унинг фильмдаги қаҳрамони бассейнда терапиядан ўтади, шу сабабли Энистон сув бўйидаги эпизодда қийналди – саҳнани тўғри суратга олиш учун 25 дан ортиқ дубль олинди.
Райан Рейнолдс — “Тирик кўмилган”
Родриго Кортез Райан Рейнолдс “Тирик кўмилган” триллерида бош ролни ижро этишини билар эди. Актёр суратга олиш жараёнининг барча нюансларини ўрганиб, бу қарор қандай натижага олиб келишига шубҳа қилмасдан рози бўлди.
Фильм марказида рақиблари томонидан қўлга олинган ва тобутга қўйилган, шундан сўнг дафн этилган ҳарбий хизматчи туради. Актёр илгари ҳеч қачон клаустрофобияни бошдан кечирмаган. Актёрнинг сўзларига кўра, ушбу фильмдаги тажрибадан сўнг, у учун ёпиқ жойлар ҳақиқатан ҳам фобияга айланди. Айниқса, вазият тобут қум билан тўлдирилганида қийинлашди. Эндиликда суратга олиш майдончасида актёрни қўрқитиш қийин, чунки у аллақачон энг ёмон вазиятни бошдан кечирган.
Сандра Буллок — “Тебраниш”
Ҳамкасби Райан сингари, Буллок ҳам “Тебраниш” фильмининг суратга олиш пайтида клаустрофобияни бошдан кечирган. Фильм коинотда қолиб кетган икки космонавт ҳақида ҳикоя қилади. Дастлабки режага кўра, актёрлар астронавтларни парвозга тайёрлаш учун мўлжалланган махсус хонада бўлишлари керак эди. Бу ғоя амалга ошмади, бироқ Буллокнинг иши ҳам осонлашмади.
Натижада, актриса деворлардан бирига ременлар билан боғлаб қўйилди, у кубда 8-10 соат давомида тортишиш кучини яратган ва ташқи дунёдан узоқда бўлган. Буллокнинг сўзларига кўра, бу унинг фаолиятидаги энг оғир суратга олиш кунлари бўлган. У жуда асабий бўлган ва суратга олиш жараёнлари тугашини интиқлик билан кутган.
Кейт Кепшоу — “Индиана Жонс ва тақдир ибодатхонаси”
Руперт Гринт ҳақиқий ўргимчакларга дуч келмаслик бахтига муяссар бўлган бўлса, Кейт Кепшоу эса бу қийин вазиятнинг иштирокчисига айланган. “Индиана Жонс ва тақдир ибодатхонаси” фильмини суратга олиш пайтида актриса унчалик таниқли бўлмаган, бироқ у бу фильмда жуда кўп ҳиссиётларни бошдан кечирган.
Актрисанинг қаҳрамони Жонсни қутқаришга ҳаракат қилган саҳна ҳозир унинг ҳаётидаги энг даҳшатли воқеа сифатида ёдида қолган. Сюжетга кўра, қаҳрамонлар ҳашаротлар билан тўла ғорда бўлади ва ижодкорлар ҳақиқий ҳашаротлар ва бошқа майда ҳайвонлардан фойдаланган, улар эса актрисанинг кийими остида эди. Кейинчалик актриса бу саҳнада хотиржамлигини йўқотганини гапириб берган. У тинчланиш учун таблетка ичиши керак бўлган.
Изоҳ (0)