Уйқуга ётишдан олдин истеъмол қилиш тавсия этиладиган 3 та маҳсулот

Кечки рационга айрим маҳсулотларни қўшиш уйқусизликнинг йўқолишига ва эрталаб кучли бўлиб уйғонишга ёрдам беради.

Мелатонин ва магний

“Уйқуни тартибга солиш учун масъул бўлган мелатонин гормонини ўз ичига олган маҳсулотлар уйқуга фойдали таъсир кўрсатади”, — дейди диетолог Яна Лапко.

Шунингдек, таркибида антиоксидантлар, оқсиллар, магний бўлган таомлар ҳам фойдали ҳисобланади.

Диетолог уйқу билан боғлиқ муаммоларга дуч келган инсонлар учун фойдали бўлган маҳсулотлар ҳақида маълумот берди.

Бодом

Ушбу ёнғоқнинг уйқу сифатини яхшилашга ёрдам бериши аниқланди, чунки у мелатониннинг юқори миқдорини ўз ичига олади. Бундан ташқари, унинг таркибида юқори миқдорда магний мавжуд, унинг етишмаслиги уйқу сифатига таъсир кўрсатиши мумкин. Магний стресс гормони кортизолни бостириш қобилиятига эга. Кортизол ҳам тинч ухлай олмасликка сабаб бўлади.

Курка гўшти

Курка гўштининг тинч уйқуга таъсири илмий жиҳатдан исботланмаган, бироқ амалда бир неча бор тасдиқланган. Бу унинг таркибидаги триптофанга боғлиқ бўлиши мумкин ва умелатонин ишлаб чиқаришни рағбатлантиради.

Ёғли балиқ

Ушбу маҳсулот омега-3 ва D витаминини бирлаштиради, улар тананинг тунги ва кундузи ритмлари учун масъул бўлган серотонин гормонини ишлаб чиқаришга фойдали таъсир кўрсатади.

Гилос шарбати, мойчечак чойи, киви, ёнғоқ, оқ гуруч, банан, жўхори уни, творог ҳам ухлаб қолишга ёрдам беради.

Бироқ, сиз яхши дам олиш мақсадида энг фойдали маҳсулотларни танлаган бўлсангиз ҳам, уларни уйқуга ётишдан олдин икки соатдан кечиктирмасдан ейишингиз керак.