Британиялик актриса Эмили Блант оиласига етарлича вақт ажратиш мақсадида ўз ишидан танаффус олишга қарор қилди. У фарзандларининг ҳаётида муҳим жараёнлар бўлаётгани, шу сабабли уларга эътибор қаратиш учун карьерасини якунлагани ҳақида сўзлаб берди.
Актриса бу қарорни узоқ ўйлади. У фаолияти давомида “Қаттиққўл хоним”, “Сокин жой”, “Мери Поппинс қайтади”, “Жунгли бўйлаб Круиз”, “Оппенгеймер” ва бошқа йирик лойиҳаларда иштирок этган. Эмили ҳақиқатан ҳам машҳурлик чўққисига чиқди.
“Ҳозир инсонлар: ‘Сиз қандай қилиб уларга улгурасиз? Қандай қилиб мувозанатни сақлай оласиз?’, деб сўрайди. Ҳаммасини тўғри бажараётганимга ишончим комил эмас”, — дейди актриса.
Бироқ, танганинг иккинчи томони ҳам мавжуд. Фаол ҳаёт туфайли актриса оиласига етарлича вақт ажрата олмади, бу унинг фаолиятидаги танаффусга сабаб бўлди.
“Ўтган йили жуда кўп ишладим. Энг катта фарзандим тўққиз ёшга кирди. Ҳозирда фарзандларимнинг ҳаётида муҳим воқеалар содир бўлаётганини ҳис қиляпман. Улар мендан: ‘Мени уйғотасизми?’, ‘Мени мактабга олиб борасизми?’, ‘Мени олиб кетасизми?’, ‘Мени ухлатиб қўясизми?’, деб кўп сўрашади. Мен улар билан бирга бўлишим керак”, — дейди актриса.
Эмили қизларининг олдида ўзини айбдордек ҳис қилиши ҳақида сўзлаб берди. У ўз фарзандларига ўрнак бўлишни хоҳлади, бироқ унинг карьераси бундан устун бўлиб қолди.
“Ҳозир кўп вақт талаб қиладиган лойиҳаларга қизиқмайман. Улар мендан ва фарзандларимдан катта маънавий харажатларни талаб қилади”, — дейди Эмили.
Изоҳ (0)