Ҳар бир инсон бахтли бўлишга ва уни тушунган инсон билан оила қуришга ҳақли. Афсуски, кўпинча жуфтликларнинг дунёқараши бир-бирига мос келмай, ажралишади. Бу қанчалик оғриқли мавзу бўлмасин, бахтсиз яшагандан кўра қайта бахтли бўлишга интилган афзалроқ. Ўзбек санъати вакиллари орасида ҳам қайта жуфтини излаган ва бугунги кунда бахтли яшаётганлар бисёр. Келинг, улар ҳақида билганларимизни сиз билан бўлишамиз.
Шароф Муқимов: “Бахтли кунлар учун раҳмат...”
Хонанда Шароф Муқимов 2010 йили ҳамкасби Севинч Мўминова билан оила қурганди. Уларнинг тўйи ўзбек шоу-бизнесидаги энг шов-шувли тўйлардан бири бўлган, десак янглишмаймиз. Сабаби у кунга қадар бирорта хонанданинг тўйи очиқчасига, бунчалик дабдаба билан ўтказилмаганди.
Севинч интервьюларининг бирида тўйдан сўнг беш ой давомида қайнона-қайнотаси билан битта уйда яшаганини, сўнг айтишни жоиз деб топмаган “маълум бир сабабларга кўра” турмуш ўртоғи билан алоҳида уйга кўчиб ўтганини гапирганди. “Шу вақтдан эътиборан оиламиз бузилишни бошлади, чунки Шароф бир кун мен билан яшаса, бир кун ота-онаси билан яшарди”, — деганди Севинч. Хуллас, ана шундай важларга кўра, улар 2017 йилда расман ажрашди. Ҳозирда хонанда қизи Лейлани ёлғиз тарбия қилмоқда.
Шароф Муқимов 2018 йили Ҳуснора исмли қиз билан танишиб, 2019 йилнинг июнь ойида унга уйланди. 2021 йилнинг декабрь ойида ўғил фарзандли бўлишди.
Ҳуснора талаба, шу билан бирга, Instagram’да ҳам фаол. У мазали егуликлар билан турмуш ўртоғини хурсанд қилишни яхши кўради. Шароф Муқимов турмуш ўртоғига Tracker автомобилини совға қилди ва бахтли кунлар учун унга миннатдорлик билдирди.
Шаҳриёр АҚШдан келиб, уйланди
Бир неча йилдан буён АҚШда истиқомат қилаётган рэпер Шаҳриёр 11 июль куни Нурангиз исмли қизга уйланди. Тўй хорижда эмас, балки хонанда туғилиб ўсган Самарқандда бўлиб ўтди. Аммо бу никоҳ маросими хонанданинг ҳаётидаги биринчи тўй эмас. У бундан аввал ҳам оила қурган ва 2016 йили ўғил фарзандли бўлганини маълум қилганди.
Ҳамиша шахсий ҳаётини оммадан сир тутадиган ижодкорнинг навбатдаги тўй видеолари ҳам ташкилотчилар сабаб ижтимоий тармоқларда тарқалди.
Аҳрор Усмонов ўғиллари билан алоқани узмаган
Лирик қўшиқларнинг моҳир ижрочиси Аҳрор Усмонов ҳам иккинчи никоҳидан бахт топган ижодкор ҳисобланади. У аввалига телебошловчи Азиза Усмонова билан оила қурган. Икки нафар ўғил фарзандли бўлишганидан сўнг, улар ажрашган. Шундан сўнг хонанда катта тўй-тантаналар билан Гулбаҳор исмли қизга уйланган. Ҳозирда уларнинг уч нафар қиз фарзандлари бор.
Аммо хонанда ўғиллари билан ҳам муносабатини узмаган. Ўғлининг никоҳ тўйида аёли ва қизлари билан иштирок этиб, икки ёшга бахт тилаган.
Али Отажонов шахсий ҳаётини сир тутади
Тақдир тақозоси билан бу хонанда ҳам икки марта оила қурган. У 2015 йили оила қурган, аммо оилавий келишмовчиликлар сабаб кўп ўтмай ажрашган. Ундан кейин яна оила қурган. Ҳозирги кунда турмуш ўртоғи билан бахтли-саодатли яшамоқда. Ижодкор шахсий ҳаётини оммадан сир тутади, Instagram тармоғига ҳам фақат қизалоғи Марям билан тушган суратларини жойлайди.
Улуғбек Қодиров бир ой яшаб, ажрашган...
Актёр Улуғбек Қодиров 2012 йилнинг сентябрь ойида ота-онасининг қистови билан уйланган. Тўй катта дабдаба билан ўтган бўлишига қарамай, куёв бир ойдан кейин ажрашишга қарор қилган. Миш-мишларга қараганда, бунга келинни ёқтирмай уйлангани сабаб бўлган. 2013 йилнинг апрель ойида эса актёр “Шаҳризода” гуруҳининг аъзоси Азиза билан оила қурган. Улар 2014 йили қиз, 2016 йилда эса ўғил фарзандли бўлишганини маълум қилишди.
Карантинда оила қурган Улуғбек Холмедовнинг турмуши бузилди
Қизиқчи Улуғбек Холмедов ҳам, афсуски, икки марта оила қурган. Унинг илк никоҳ тўйи 2020 йилнинг 14 июнь куни бўлиб ўтган. Карантин кучайтирилган пайт бўлгани учун Мирзабек Холмедов тўйни ҳовлисида ўтказган. Афсуски, келин-куёвларнинг муносабати узоққа бормай, узилган.
2023 йилнинг 2 июль куни Улуғбек яна оила қурди. Унинг навбатдаги тўйи ҳам дабдабали тарзда ўтказилди ва унда ўзбек санъатининг кўплаб вакиллари иштирок этишди.
Йигитали Мамажонов учинчи никоҳдан бахтини топди
Актёр Йигитали Мамажонов 2012 йилнинг 16 ноябрь куни хонанда Райҳон билан оила қурган. 2014 йил эса улар эгизак фарзандли бўлишган. Афсуски, орадан кўп вақт ўтмай турли низолар сабаб улар ажрашишга қарор қилишган. 2016 йилнинг май ойида Йигитали Мамажонов хонанда Райҳон билан расман ажрашганини маълум қилган.
Қозоғистондаги ижодий сафарлари чоғида эса Нигина исмли қиз билан танишиб қолган ва қиз фарзандли бўлишган. Аммо актёрнинг бу муносабати ҳам узоққа чўзилмаган.
2018 йили эса актёр Муқаддас Саъдуллаева билан оила қурганини маълум қилди. Бу никоҳидан Абубакр ва Хадича исмли фарзандлари бор.
Изоҳ (0)