Таниқли турк актёри Чағатой Улусой 2022 йилда учта лойиҳада суратга тушишни режалаштирган эди. Унинг иштирокидаги иккита лойиҳа суратга олинди, учинчисининг суратга олиш ишлари давом этмоқда. Актёр “Тикувчи” сериалида келишган тикувчи йигит ролини ижро этган бўлса, “Жентлмен” фильмидаги образини гавдалантирди. У “Кюбра” илмий-фантастик триллеридаги ижтимоий тармоқнинг иштиёқли фойдаланувчиси ролини ўйнайди.
Бурак Дениз ва Ҳанде Эрчел яна битта лойиҳанинг суратга олиш майдончасида учрашади. Жуфтлик “Икки бегона” сериалида бирга рол ижро этади.
Tims&B томонидан имзоланган “Икки бегона” сериалининг суратга олиш ишлари апрель ойида бошланади. Янги 2023—2024 йилги мавсумда FOX телеканалида намойиш этиладиган сериалнинг дастлабки 3 та эпизодини суратга олиш ишларини якунлаш режалаштирилган. Қолган қисмлар одатдагидек, яъни ҳафтасига 1 та қисмнинг суратга олиш ишлари бўлади.
Детектив саргузашт йўналишда суратга олинаётган сериал қотилликдан кейин прокурор Лейла (бу ролни актриса Ҳанде Эрчел ижро этган) ва таниқли телебошловчи Кенан Ўзтуркнинг (Бурак Дениз ижросида) ҳаётий йўллари кесишиши ҳақида ҳикоя қилади.
“Оила учун” лойиҳасининг уч мавсумдан бери томошабинлар эътиборидан тушмай келаётган актёри Онур Сейит Яран дунё бўйича машҳур бренддан тушган реклама таклифидан сўнг Испанияга йўл олди. Маълум бўлишича, Онур Сейит Яран Испаниядаги таниқли автомобиль бренди билан реклама музокараларини олиб бормоқда.
Қизи туғилгандан сўнг ижодий фаолиятида танаффус қилган Ўзге Ўзпиринжи яна телевидение экранларига қайтмоқда.
Актриса иштирок этаётган театр лойиҳасидан ташқари, унга янги “Оила” лойиҳасида рол ўйнаш таклифи тушди, бироқ Серенай Сарикая Дерин ролига маъқуллангач, унинг номзоди қайтариб олинди.
Кейинчалик Ўзге бир қанча таклифларни олди ва ОZ Мedia томонидан суратга олинадиган янги рақамли лойиҳани танлади. У сериалда иштирок этиш учун шартнома имзолаш босқичида. Шартнома имзолангандан сўнг суратга олиш ишлари бошланади.
“Кумуш” сериалидаги роли билан томошабинларга таниш бўлган Сердар Ўрчин “Адолат” лойиҳасининг 2-3 қисмда таклиф этилган меҳмон сифатида иштирок этмоқда. У лойиҳада бошқа прокурор ролини ўйнайди. Актёр ижодий фаолияти давомида 52 та лойиҳада суратга тушган. У “Кумуш” сериалида бош қаҳрамоннинг дўсти Онурнинг синглисига ошиқ бўлади.
Актриса Севинч Эрол “Ҳукм” сериалининг яна бир юлдузи ҳисобланади. У Ектанинг ўғли Тилмен Ўмернинг онаси ролини ижро этади. Унинг Есин исмли қаҳрамони сўнгги эпизодда пайдо бўлади. Аслида Севинч Эрол ва Дўғоч Йилдиз она ва ўғил ҳисобланади.
.jpg)
2017 йилда турмуш қурган Ҳанде Сорал ва Исмоил Демиржи 2022 йилда ота-она бўлди. Одатда, ёш ота-оналар фарзандининг юзини кўрсатмасликка ҳаракат қилади, бироқ Ҳанде ва Исмоил бу қоидани бузди ва ўз аккаунтига 10 ойлик чақалоғи билан оилавий тушган суратини жойлаштирди. Бахтли оила томошабинларнинг кўплаб лайкларига ва ижобий фикрларга эга бўлди.
Мурат Йилдирим ва унинг турмуш ўртоғи Имон Альбани ҳам қизларини тарбия қилиб, бахтли кунларни ўтказмоқда. Жуфтлик ижтимоий тармоқдаги аккаунтларида оилавий суратини мухлисларига тақдим этди.
Изоҳ (0)