Турк телесериалларининг асосий мавсуми якунланди, яъни кўплаб машҳур турк актёр ва актрисалари дам олиш ва соғлиғини тиклаш учун суратга олиш ишларидан четлашди. “Менинг исмим Фараҳ”, “Уч опа-сингил”, “Ташкилот” ва “Ҳукм” сериалларининг суратга олиш ишларида танаффус эълон қилинган, шу сабабли лойиҳада бош ролни ижро этган актёрлар ёзги таътилни мароқли ўтказмоқда.
Демет Ўздемир
Қувноқ ва гўзал турк актрисаси Демет Ўздемир “Менинг исмим Фараҳ” сериалининг биринчи мавсумини суратга олиш ишларини якунлади ва ҳозирда ёзги таътилдан завқланмоқда. Актриса обуначиларига янги суратларини тақдим этиб боради. Демет айни дамда Грецияда дам олмоқда ва актриса мухлисларига у ердан уй сотиб олмоқчи эканлиги ҳақида гапирган эди. У обуначиларига бу ҳақда гапириб бергандан кейин эртаси куни саҳифасига қизил эшик олдида тушган суратини жойлаштирди ва орзулар рўёбга чиқишини айтди.
Серкан Чайўғлу ва Ўзге Гурел
Серкан ва Ўзге шу ёзда тўйининг бир йиллигини нишонлайди. Балки, жуфтлик август ойида ушбу воқеа шарафига асосий таътилни режалаштиргандир. Айни пайтда туркиялик машҳур жуфтлик Бодрумда вақт ўтказмоқда. Серкан ва Ўзге у ерда нафақат дам олмоқда, балки модалар тақдимотида иштирок этмоқда. Кузда Серкан иштирокидаги “Ёнган юрт” сериалининг суратга олиш ишлари бошланади. Унинг рафиқаси эса қайси лойиҳада суратга тушишни режалаштиргани ҳозирча аниқ эмас.
Ўзгу Кая ва Эрен Орен
Шу кунларда яна бир юлдузли жуфтлик биргаликда дам олмоқда. “Уч опа-сингил” актёрлари Ўзгу Кая ва Эрен Орен Амстердамга саёҳат қилишни маъқул кўрди ва таътил давомида тушган суратларини мухлисларига тақдим этишда давом этмоқда. Август ойининг охирида актёрлар мелодраманинг янги мавсумида суратга тушади.
Ирем Ҳелважиўғлу
Ирем яқинда Алп Наврўз билан партнёр бўлган “Юракнинг боши берк кўча” мелодрамасининг суратга олиш ишларини якунлаган эди. Актриса кузда янги лойиҳа билан суратга олиш майдончасига қайтиши мумкин, бироқ ҳозирча у Туркияни тарк этмасликка, Памуккаледа дам олишга қарор қилди. Шаҳар оқ оҳактошли терасларда жойлашган термал булоқлари билан машҳур.
Ҳафсанур Санжактутан
23 ёшли юлдуз Ҳафсанур Санкактутан сўнгги пайтларда турк оммавий ахборот воситаларининг эътибор марказида. Актриса Керем Бурсин билан суратга тушган “Агар чиндан ҳам севсанг” сериали ёзги мавсумнинг энг кутилган лойиҳаларидан бири ҳисобланади. Ҳафсанур суратга олишдан бир неча кун олдин ёзги таътилни ўтказиш учун Италияга боришга қарор қилди. Актриса қуёшда тобланиш ва кечки зиёфатларини ёқтиради.
Кадир Доғулу ва Неслиҳан Атагул
“Туннинг охирида” сериали юлдузлари Кадир Доғулу ва Неслиҳан Атагул ёзги таътилини Кипр саёҳати билан бошлади. Машҳур жуфтлик у ердан уй сотиб олгани ҳақида миш-мишлар бор.
Буржу Ўзберк
Актриса яқинда “Қиролича” драмасининг суратга олиш ишларини якунлади ва дарҳол янги таклифни қабул қилди. Буржу янги лойиҳанинг суратга олиш ишлари бошланишидан камида бир неча кун олдин дам олишга муваффақ бўлди. Бунинг учун актриса қуёшли Италияни танлади.
Су Буржу Жошкун
“Оила учун” сериалининг ёш юлдузи лойиҳанинг навбатдаги мавсуми тугаганидан кейин Парижга жўнаб кетди. Су Буржу Жошкун учун бу орзулар шаҳри. Актриса пляждаги дам олишни эмас, балки музейлар ва бошқа диққатга сазовор жойларга саёҳат қилишни танлади.
Изоҳ (0)