Тошкент шаҳрида 9 июль, якшанба куни “Тошшаҳартрансхизмат” АЖ таркибидаги автобус саройлари томонидан хизмат кўрсатилаётган автобус йўналишлари ўз ҳаракатини иш кунлари бўйича тасдиқланган вақтда бошлайди. Бу ҳақда акциядорлик жамиятининг матбуот хизмати хабар берди.
Қайд этилишича, 9 июль куни пойтахтда автобуслар ҳаракати соат 05:00 дан бошланади.
Тошкент метрополитени эса якшанба куни Тошкент метрополитенида поездлар ҳаракати иш кунлари учун тасдиқланган доимий жадвал асосида ташкиллаштирилишини билдирди.
Транспорт вазирлигига кўра, Тошкентда янги катта ва ўта катта сиғимли автобус ва электробуслар ҳаракатланишни бошлагани сабаб жамоат транспортидан фойдаланувчилар сони ошган. Йўловчи ташувлари 2023 йил май ойида кунлик 782 минг нафар йўловчини ташкил этган. Ўтган йилнинг шу даврида ушбу кўрсаткич 478 минг нафарни ташкил этганди (ўсиш 63 фоиз).
Изоҳ (0)