Камбағалликни қисқартириш ва бандлик вазирлиги айни пайтда Ўзбекистондаги хусусий ва давлат ташкилотларида расмий фаолият юритаётган жами ходимлар сонини очиқлади.
Вазирлик эълон қилган инфографикада 2023 йил 1 июль ҳолатига кўра, Ягона миллий меҳнат тизимида 5,5 миллион нафар жисмоний шахс рўйхатдан ўтган. Шундан эркаклар 2,9 миллион, аёллар 2,5 миллион нафарни ташкил этади.
Маълум қилинишича, ҳозирда давлат ташкилотларида 2,2 миллион, хусусий секторда 3,2 миллион ходим фаолият юритмоқда. Жами ишловчи пенсионер ходимлар сони 601,7 минг нафар, ишловчи талабалар эса 110,9 минг нафар.
Вазирлик ахборотига кўра, энг кўп ходим ишлайдиган соҳа — таълим (1,3 миллион киши). Кейинги ўринда саноат (979,8 минг). Қишлоқ, ўрмон ва балиқ хўжалиги соҳасида 761,5 минг, соғлиқни сақлаш ва ижтимоий хизматларда 625,4 минг нафар ходим ишлайди.
Ўтган 2022 йилнинг 3 март кунидан ҳозиргача бўлган вақт оралиғида 553 минг 746 киши бандлик бўлимлари орқали ишга жойлашган.
Изоҳ (0)