Исроил мудофаа кучлари Иордан дарёсининг Ғарбий соҳилидаги Женин шаҳрида кенг кўламли “аксилтеррор” операциясини бошлади.
Фаластин матбуоти Исроил зарбалари оқибатида камида тўрт киши ҳалок бўлгани ва бир неча киши яралангани ҳақида ёзмоқда.
Қайд этилишича, Женин шаҳри аҳолисига уйда қолишларини сўраб смс юборилган.
Хабарларга кўра, шаҳар марказига ҳужум уюштирилган. Исроил ҳарбийларининг даъво қилишича, ҳудуд “кузатув пункти, қуролли террорчилар тўпланадиган, ўқ-дорилар ва бомбалар сақланадиган жой ҳамда алоқа маркази бўлиб хизмат қилган”.
Исроил ҳукуматининг юқори мартабали мулозими Каn News телеканалига берган интервьюсида операциядан мақсад “Жениннинг террорчилар учун хавфсиз бошпана сифатидаги ролини тугатиш” эканини ва “у қанча зарур бўлса шунча вақт давом этишини” айтди.
Изоҳ (0)