Парижда 17 ёшли ўсмирнинг полициячи томонидан отиб ўлдирилиши ортидан бошланган тартибсизликлар Франциянинг йирик шаҳарларида уч кундан бери давом этмоқда. 30 июнь, жума кунига ўтар кечаси полиция 200 дан ортиқ одамни ҳибсга олгани ҳақида хабар берди. Франция бўйлаб 40 минг полициячи жойлаштирилди, деб ёзади Reuters.
Полиция билан тўқнашувлар 29 июнь оқшомида қайта авж олди. Парижнинг ғарбий чеккасидаги Нантер шаҳрида намойишчилар машиналарга ўт қўйди, кўчаларни тўсди ва полиция билан тўқнашди. Реймс ва По шаҳридаги полиция бўлимларига ҳужум уюштирилди, дейилади BFMTV хабарида.
https://twitter.com/Mediavenir/status/1674535913081167876Марселдаги сайёҳлик марказида намойишчилар билан тўқнашув чоғида полиция кўзни ёшлатувчи газ гранаталарини отди, дейди Ла Провенcе шаҳар газетаси. Париждаги Шатле майдонида дўконлар талон-тарож қилинган, полиция билан тўқнашувлар ҳам кузатилган. Пойтахтда камида 14 киши ҳибсга олинган. Нант шаҳрида автомобиль супермаркетга бостириб кирган.
BFМTV маълумотларига кўра, маҳаллий вақт билан соат 2.30 га қадар 255 киши полиция участкаларига олиб кетилган.
Миллий жандармерия “жамоат тартибини сақлаш” учун ерда ва ҳавода “барча воситаларни” сафарбар қилишга ваъда берди. Нантерда, Парижда ва “зарур бўлган ҳамма жойда” махсус кучлар сафарбар қилинади, деди метрополитен полицияси.
https://twitter.com/Gendarmerie/status/1674545566536069121Тартибсизликлар 17 ёшли ўсмирнинг ўлдирилиши ортидан бошланди
Тартибсизликлар 28 июнга ўтар кечаси Париж чеккасида бошланиб, ундан ташқарига ҳам тарқалди. Бунга машина ҳайдаб кетаётган 17 ёшли ўсмирнинг полициячи талабига биноан тўхташдан бош тортгани ва отиб ўлдирилгани сабаб бўлди. Ҳуқуқ-тартибот идоралари воқеанинг барча ҳолатларини аниқлаш учун тергов бошлади. Ўсмирни отган полициячи ҳибсга олинди. У қасддан одам ўлдиришда айбланмоқда.
Изоҳ (0)