“Ан-Насср” жамоаси португалиялик мураббий билан шартнома имзоламоқчи. Музокараларда Роналдунинг ўзи иштирок этмоқда 

Португалиянинг “Ботафого” клуби бош мураббийи Луиш Каштру яқин орада “Ан-Насср” бош мураббийига айланади. 

61 ёшли мутахассис Саудия клуби билан 2+1 кўринишидаги шартнома имзолайди. 

ESPN нашри хабарига кўра, “Ан-Насср” клуби ҳужумчиси Криштиану Роналдунинг шахсан ўзи мураббий билан алоқага чиққан ва уни клубни бошқаришга кўндирган. 

“Ан-Насср” Каштру учун 2,3 миллион евро товон пули тўлаб беради, чунки мураббийнинг “Ботафого” билан шартномаси 2024 йил мартга қадар мўлжалланган.

Саудия Арабистони клуби Луишга Рио-де-Жанейро клубидагидан 4 баравар кўп маош ваъда қилган.

Луиш Каштру мураббийлик фаолияти давомида “Порту”, “Риу Аве”, “Шавеш”, “Витория”, “Шахтёр” ва “Ад-Дуҳайл” каби клубларни бошқарган. 

Эслатиб ўтамиз, “Ан-Насср” бош мураббий Руди Гарсияни истеъфога чиқарган эди. “Ан-Насср” Саудия Профессионал Лигасини 67 очко жамғарган ҳолда 2-ўрин билан якунлади.