“An-Nassr” jamoasi portugaliyalik murabbiy bilan shartnoma imzolamoqchi. Muzokaralarda Ronalduning o‘zi ishtirok etmoqda

Portugaliyaning “Botafogo” klubi bosh murabbiyi Luish Kashtru yaqin orada “An-Nassr” bosh murabbiyiga aylanadi. 

61 yoshli mutaxassis Saudiya klubi bilan 2+1 ko‘rinishidagi shartnoma imzolaydi. 

ESPN nashri xabariga ko‘ra, “An-Nassr” klubi hujumchisi Krishtianu Ronalduning shaxsan o‘zi murabbiy bilan aloqaga chiqqan va uni klubni boshqarishga ko‘ndirgan. 

“An-Nassr” Kashtru uchun 2,3 million yevro tovon puli to‘lab beradi, chunki murabbiyning “Botafogo” bilan shartnomasi 2024-yil martga qadar mo‘ljallangan.

Saudiya Arabistoni klubi Luishga Rio-de-Janeyro klubidagidan 4 baravar ko‘p maosh va’da qilgan.

Luish Kashtru murabbiylik faoliyati davomida “Portu”, “Riu Ave”, “Shavesh”, “Vitoriya”, “Shaxtyor” va “Ad-Duhayl” kabi klublarni boshqargan. 

Eslatib o‘tamiz, “An-Nassr” bosh murabbiy Rudi Garsiyani iste’foga chiqargan edi. “An-Nassr” Saudiya Professional Ligasini 67 ochko jamg‘argan holda 2-o‘rin bilan yakunladi.