Сенатнинг қирқ иккинчи ялпи мажлисида “Ўзбекистон Республикаси билан Қозоғистон Республикаси ўртасида Ўзбекистон—Қозоғистон давлат чегарасини демаркация қилиш тўғрисидаги шартномани ратификация қилиш ҳақида”ги қонун кўриб чиқилиб, маъқулланди.
Муҳокама чоғида ҳужжат Шавкат Мирзиёев ва Қосим-Жўмарт Тўқаев томонидан унинг 2022 йил 21 декабрь куни Ўзбекистонга давлат ташрифи чоғида имзолангани билан алоҳида аҳамиятга эга экани алоҳида таъкидланди.
Шартномага кўра Ўзбекистон ва Қозоғистон ўртасидаги давлат чегарасининг демаркация қилинган чизиғи узунлиги 2 356 километрдан ортиқдир.
Шартнома билан Ўзбекистон—Қозоғистон Давлат чегарасини белгилаш бўйича ишлар тўлиқ якунланди ҳамда чегара хавфсизлиги ва дахлсизлигини таъминлаш учун энг муҳим шарт-шароитлар яратилди.
Сенаторларнинг қайд этишича, шартноманинг ратификация қилиниши Ўзбекистон ва Қозоғистон ўртасидаги кўп қиррали ҳамкорлик алоқаларини янада мустаҳкамлаш ҳамда кенгайтиришга хизмат қилиши шубҳасиз.
2003 йилда бошланган демаркация бўйича музокаралар қарийб 19 йил давом этди, бу вақтда демаркация комиссиясининг 100 та йиғилиши ва демаркация бўйича ишчи гуруҳининг 34 та йиғилиши ўтказилди. 2022 йилда Қозоғистон—Ўзбекистон давлат чегарасини демаркация қилиш тўғрисида шартнома имзоланди, чегара белгиларини ўрнатиш бўйича дала ишлари 2004—2021 йилларда давом эттирилди.
Демаркация ишлари натижасида Қозоғистон ва Ўзбекистон ўртасида 2 356 километр чегара ўрнатилиб, унга 1 301 та чегара белгилари қўйилди.
Изоҳ (0)