Тошкент шаҳар Яшнобод туманида Spark уриб юборган пиёда вафот этди. Бу ҳақда ИИББ ахборот хизмати хабар берди.
Унга кўра, ҳолат 16 июнь куни соат 08.10 ларда Яшнобод тумани ТҲАЙ кўчасида содир бўлган. 1984 йилда туғилган Н.С. Spark’ни бошқариб келаётиб, тартибга солинмаган пиёдалар йўлагидан кесиб ўтаётган 1995 йилда туғилган А.Т.ни уриб юборган.
Оқибатда пиёда воқеа жойида вафот этган. Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган. Тергов давом этмоқда.
Изоҳ (0)