Тошкентда янги катта ва ўта катта сиғимли автобус ва электробуслар ҳаракатланишни бошлагани сабаб жамоат транспортидан фойдаланувчилар сони ошди.
Транспорт вазирлиги матбуот хизмати маълумотига кўра, йўловчи ташувлари 2023 йил май ойида кунлик 782 минг нафар йўловчини ташкил этди. Ўтган йилнинг шу даврида ушбу кўрсаткич 478 минг нафарни ташкил этган (ўсиш 63 фоиз).
2023 йил май ойида кунлик 1330 та автобус йўналишга чиқарилган бўлса, 2022 йилнинг шу даврида кунлик автобуслар сони 806 тани ташкил этган (40 фоиз ўсиш).
2023 май ойида амалга оширилган кунлик қатновлар сони 16 741 тани ташкил этган. 2022 йилда ушбу кўрсаткич 10 424 тани ташкил этган (яъни 60 фоизгача ошган).
Маълумот учун, 2023 йил 16 февралдаги “Жамоат транспорти тизимини ислоҳ қилиш чора-тадбирлари тўғрисида”ги президент қарорига асосан, Тошкент шаҳри жамоат транспорти учун 200 дона 18 метрли ва 500 дона 12 метрли табиий газда ишлайдиган автобуслар ҳамда 300 дона 12 метрли электробуслар харид қилиш белгиланган.
Изоҳ (0)