Лондон шаҳри марказида “ҳайратланарли даражада сақланиб қолган” Рим мақбараси қолдиқлари топилди. Бу Буюк Британияда топилган мана шундай ўзига хос иншоотнинг энг яхлити ҳисобланади.
"Ажабланарли даражада кам учрайдиган" топилма The Liberty of Southwark ҳудудида, Боро бозори ва Лондон кўприги станцияси яқинида топилган. Бу ҳақда The Guardian ёзмоқда.
Археологик ёдгорликни қазиш ишлари ўтган йили февраль ойида худди шу жойда энг катта Рим мозаикаларидан бири топилганидан кейин амалга оширилди.
Топилма деворлар ва ички шифтларни ўз ичига олади. Унинг марказида ажойиб мозаика билан ўралган кўтарилган платформада қабр жойлашган. Кириш қисмидаги зинапоянинг баъзи поғоналари ҳам сақланиб қолган.
Келажакда ушбу мақбарани кенг оммага намойиш этиш режалаштирилган.
Изоҳ (0)