Британиянинг Henley&Partners консалтинг компаниясининг New World Wealth билан биргаликда яратган ҳисоботига кўра, 2022 йил охирида Хитой ва Россия доллардаги миллионерлар энг кўп чиқиб кетган давлатлар рўйхатида биринчи ўринни эгаллади.
Ўтган йили Хитойни 10,8 минг, Россияни эса 8,5 минг миллионер тарк этган. Аввалроқ таҳлилчилар камида 15 минг миллионер Россиядан кетишини тахмин қилган эди.
Россиядан чиқиб кетиш кутилганидан икки баравар кам бўлди. Henley&Partners бу тафовутни “россияликлар учун кўплаб инвестицион фуқаролик ва резидентлик дастурлари ёпилиши, хорижий банк ҳисобларининг музлатилиши ва бошқа санкциялар, шунингдек, таниқли бой одамларнинг кўчиб ўтишини қийинлаштирган мамлакат механизмлари” билан изоҳлади.
Хитой ва Россиядан кейин миллионерлар тарк этиши бўйича етакчи давлатлар 10 талигига қуйидагилар киради:
- Ҳиндистон — 7,5 минг;
- Гонконг — 2,4 минг;
- Бразилия — 8 минг;
- Буюк Британия — 1,6 минг;
- Мексика — 800;
- Жанубий Корея ва Жанубий Африка — ҳар бири 400 нафар.
Мутахассисларнинг фикрича, 2022 йилда энг кўп миллионерлар Бирлашган Араб Амирликлари (5,2 минг), Австралия (3,8 минг), Сингапур (2,9 минг), Швейцария (2,2 минг) ва АҚШга (1,5 минг) келган.
Изоҳ (0)