Меtа компанияси матнли тавсифга қараб мусиқа яратадиган янги сунъий интеллект ишлаб чиқди

Американинг Меtа корпорацияси матн сўрови бўйича мусиқа яратиши мумкин бўлган янги генератив сунъий интеллект — MusicGen’ни тақдим этди.

Мазкур сунъий интеллект (SI) Audiоcraft компанияси жамоаси томонидан ишлаб чиқилган бўлиб, у орқали 12 сонияли инструментал трекларни яратиши мумкин.

Ишлаб чиқувчиларнинг сўзларига кўра, SI 10 000 дан ортиқ лицензияланган мусиқий треклардан иборат 20 000 соатли мусиқа, шунингдек, Pond5 ва Shutterstock медиа кутубхоналаридан 390 000 та бепул инструментал композициялар бўйича ўқитилди.

Яхшироқ натижага эришиш учун намуна сифатида бирор қўшиқни юклаб, шунга ўхшаш композиция яратишни SIдан сўраш мумкин. MusicCen’ни Hugging Face веб-сайтида бепул синаб кўриш имконияти мавжуд.

Аввалроқ матн тавсифидан мусиқа яратадиган MusicLM нейрон тармоғи Google томонидан тақдим этилганди.

“Google” тадқиқотчилари, шунингдек, MusicLM билан боғлиқ кўплаб ахлоқий муаммоларни, жумладан, муаллифлик ҳуқуқининг бузилишини қайд этиб боради. Тажриба давомида улар тизим томонидан яратилган мусиқанинг тахминан 1 фоизи у ўқитилган қўшиқлардан фақат парчалар эканини аниқлаган.