Тошкент шаҳридаги Чорсу ва Эски жўва деҳқон бозорлари ҳудуди тартибга келтирилиб, туристик жозибадорлиги оширилади.
Президентнинг “2023—2024 йилларда Тошкент шаҳрининг Шайхонтоҳур туманини ижтимоий-иқтисодий ривожлантириш ва маҳаллалар инфратузилмасини яхшилашга доир қўшимча чора-тадбирлар тўғрисида”ги қарорида белгиланишича, бозор ҳудудидаги тартибсиз қурилмалар ўрнига лойиҳа асосида замонавий савдо расталари жойлаштирилади.
Давлат-хусусий шерикчилик шартлари асосида кўпқаватли автотураргоҳ ташкил этилади. Пиёдалар йўлаклари қурилиб, ирригация тармоқлари янгиланади.
Бундан ташқари, бўш турган бино-иншоотлар миллий архитектура ишланмаларини акс эттирган лойиҳалар асосида реконструкция қилиниб, ер майдонларида янги савдо расталари қурилади.
Белгиланган чоралар 2023 йилнинг якунига қадар банк кредитлари, деҳқон бозорлари маблағлари ҳисобига амалга оширилади.
Ҳужжат билан 2024 йил якунига қадар давлат-хусусий шерикчилик шартлари асосида Ўзбекистон давлат цирки биноси реконструкция қилиниши ҳам белгиланган.
Изоҳ (0)