Божхоначилар Грознийдан Истанбулга учишни режалаштирган россиялик аёлнинг чамадонидан учта олтин қуйма ва иккита бриллиант топди, деб хабар берди Федерал божхона хизмати.
Йўловчи қуймаларни "Алёнка" шоколади қоғозларига, бриллиантларни эса фолгага ўраб, қоғоз рўмолчаларнинг полимер қутиларига яширган.
Инспекторлар “яшил йўлак” орқали заргарлик буюмларини олиб ўтмоқчи бўлган аёлни тўхтатиб қолишган – у божхона тўловларини тўлашдан бўйин товламоқчи бўлган.
Федерал божхона хизмати олтин қуймалари ва бриллиантларнинг умумий қийматини 3,5 миллион рублдан (36 минг АҚШ долларидан) ортиққа баҳолади.
"Кейинчалик экспертиза шуни кўрсатдики, қуйма 999 пробали олтиндан (металлнинг энг юқори тозалиги) иборат , уларнинг оғирлиги 150 г. Икки каратли бриллиантлар эса HRD Antverpen олмос лабораторияси томонидан сертификатланган”, — дейилади Федерал божхона хизмати хабарида.
Изоҳ (0)