Bojxonachilar Grozniydan Istanbulga uchishni rejalashtirgan rossiyalik ayolning chamadonidan uchta oltin quyma va ikkita brilliant topdi, deb xabar berdi Federal bojxona xizmati.
Yo‘lovchi quymalarni "Alyonka" shokoladi qog‘ozlariga, brilliantlarni esa folgaga o‘rab, qog‘oz ro‘molchalarning polimer qutilariga yashirgan.
Inspektorlar “yashil yo‘lak” orqali zargarlik buyumlarini olib o‘tmoqchi bo‘lgan ayolni to‘xtatib qolishgan – u bojxona to‘lovlarini to‘lashdan bo‘yin tovlamoqchi bo‘lgan.
Federal bojxona xizmati oltin quymalari va brilliantlarning umumiy qiymatini 3,5 million rubldan (36 ming AQSH dollaridan) ortiqqa baholadi.
"Keyinchalik ekspertiza shuni ko‘rsatdiki, quyma 999 probali oltindan (metallning eng yuqori tozaligi) iborat , ularning og‘irligi 150 g. Ikki karatli brilliantlar esa HRD Antverpen olmos laboratoriyasi tomonidan sertifikatlangan”, — deyiladi Federal bojxona xizmati xabarida.
