“Муҳташам юз йил” сериалидаги шаҳзода Жаҳонгир образи турк актёри Толге Сариташнинг ижроси туфайли кўплаб томошабинларнинг севимли қаҳрамонига айланди.

Шаҳзода Жаҳонгир ҳар доим бошқа шаҳзодалардан ажралиб турарди. Усмонлилар сулоласининг ёш шаҳзодаси Хуррам султон ва султон Сулаймоннинг севимли фарзанди эди. Жаҳонгирдан айрилиш дарди султон Сулаймонни умрининг охиригача тарк этмади.

Актёр Толга Сариташ “Муҳташам юз йил” сериалида “фаришта қанотли” шаҳзода ролини маромига етказиб ижро этган. Жаҳонгирга болалигида унинг елкасидаги букриликни шундай чиройли тарзда тушунтиришган. Актёрнинг дебюти “Қора булут” лойиҳасидаги рол эди. Бироқ, Толга бу лойиҳада иккинчи даражали образни гавдалантирди. Актёр “Муҳташам юз йил” сериалидан аввал бир нечта лойиҳаларда суратга тушган, бироқ уларнинг ҳеч қайси машҳурликка эришмаган. Айнан “Муҳташам юз йил” сериали актёрнинг танилишига сабаб бўлди.

Усмонлилар империяси тарихи ҳақидаги култ сериалдан сўнг, актёрга кўплаб лойиҳалардан таклиф тушди. Унинг иштирокидаги “Гунеш қизлари”, “Ваъда”, “Фарҳод ва Ширин” каби лойиҳаларни алоҳида таъкидлаш мумкин. Толга бу лойиҳаларда бош ролни ўйнади.

“Актёр гавдалантирган қаҳрамонлардан бири — Фарҳод исмли камбағал рассом. У Ширин билан турмуш қуриши учун у жуда кўп қийинчиликларни енгиб ўтиши керак бўлади. Бу борада унга керакли кўрсатмаларни Шириннинг опаси Бону беради”, — деб ёзади “Туркия-ландия” канали.