Ҳар қандай ёлғон эртами-кечми ошкор бўлади. Аммо баъзи ҳолларда актёрлар нафақат рол олишга, балки уни шу қадар муваффақиятли ижро этишга муваффақ бўлишадики, натижада томошабин ва танқидчиларнинг эътирофига сазовор бўлишади.
Крис Хемсворт бўйи ҳақида ёлғон гапирган
Крис Хемсвортнинг бўйи 1,92 см. Бундан ташқари, у доимо мукаммал жисмоний ҳолатда юради.
Шунга қарамай, студия “Қасоскорлар” фильмидаги Тор роли учун бўй чегарасини 185 см қилиб белгилаб қўяди. Акс ҳолда, чақмоқ худоси фонида қолган Қасоскорлар пакана бўлиб кўринарди.
Хемсворт интервьюсида айтганидек, у бир сония ҳам иккиланмай, бўйи атиги 185 эканлигини айтади. Кастингда актёр бир оз эгилиб юради. Яхшиямки, ўша куни комиссия аъзоларидан ҳеч бири ўзи билан ўлчагич олиб келмаган экан.
Роберт Паттинсон ўқиганман, деб ёлғон гапиради
“Гарри Поттер ва аланга кубоги” фильмида Седрик Диггори ролини ўйнагач, Роберт Паттинсоннинг актёрлик фаолиятида бир оз танаффус бўлади. Шу сабабли актёр Голливудга борганида, кастинг режиссёрларининг сўнгги бир неча йил ичида нима учун биттаям рол ўйнамагани ҳақида сўрашганида, у Оксфорддаги курсларда ўқиганман деб жавоб беради. Актёрнинг инглизча талаффузини инобатга олсак, бу ёлғон ҳар доим унга қўл келган. Унинг бу ёлғони “Сумерки” франшизасида ўлмас вампир Эдвард Каллен ролини олишга ёрдам беради.
Лиам Хемсворт волейбол ўйнай оламан деб алдайди
Лиам Хемсворт режиссёр Жули Энн Робинсонни пляж волейболини яхши ўйнашига ишонтирганидан сўнг “Сўнгги қўшиқ” романтик драмасида бош ролга тасдиқланади. Суратга олиш майдончасида у ушбу кадрни дублёр ўйнашини сўради, аммо Лиамнинг баланд бўйи туфайли унга муносиб дублёр топилмайди.
Хемсвортнинг сўзларига кўра, бу жуда шармандали ҳолат эди, чунки у каби волейбол ўйнай оладиган оддий актёрлар ўрнига кастинг директори негадир профессионал жамоани олиб келади, Уларнинг олдида актёр шунчаки ачинарли кўринарди.
Хлоэ Грэйс Моретс Мартин Скорсезега инглиз эканлиги ҳақида ёлғон гапиради
Кастинг директорига ёлғон гапириш кўп учрайдиган ҳолат. Аммо Мартин Скорсезе каби афсонавий режиссёрнинг кўзига қараб ёлғон гапириш учун катта юрак керак. Ва сурбетлик ҳам, афтидан Хлоэ Грэйс Моретсда иккисидан ҳам бор.
Актриса режиссёрни инглиз эканлигига ишонтиради ва Скорсезе фақат инглиз актёрларини кўришни хоҳлаган фильмда рол ўйнайди. Гап Жуд Лоу, Кристофер Ли, Бен Кингсли ва Саша Барон Коэн ролларини ижро этган “Вақт қўриқчилари” фильми ҳақида кетмоқда.
Хлоэга унинг британия аксентида гапириши қўл келади. Бироқ бир куни Скорсезе Моретснинг аксентсиз, одатдагидек гапираётганини эшитиб қолади ва ёлғон гапирганини билади. Аммо уни ҳайдаб юбормайди.
Тодд Латурет қўлини урушда йўқотгани ҳақида ёлғон гапиради
Ногирон актёр Тодд Латурет доимо кастингга келганида қўлини урушда йўқотганини айтиб, ёлғон гапирганини тан олади. Унинг сўзларига кўра, бу одамларни унга мойил қилди ва ролларни олишга ёрдам берди. Шундай қилиб, у Жорж Клуни билан “Тентак махсус агент” фильмида ва “У ва тўтиқуш” ҳинд драмасида рол ўйнайди.
2019 йилга келибгина Латурет бахтсиз ҳодисада қўлини йўқотганини тан олади. У биполяр тарқоқликдан азият чекади. Бир куни у буюрилган дори-дармонларни қабул қилишни тўхтатади, касаллик хуруж қилганда қўлини арра билан кесиб ташлайди.
Арнолд Шварценеггер Сильвестр Сталлонени алдаб, бемаъни фильмда суратга тушишига сабабчи бўлади
Бу ёлғон бошқалардан бир оз фарқ қилади, чунки гап ролни бошқа одам олиши учун ёлғон гапирган актёр ҳақида кетяпти.
80-90 йилларда Арнолд Шварценеггер ва Сильвестр Сталлоне карьераларининг чўққисига чиқади ва Голливуддаги бош актёрлик унвони учун курашади. Бу рақобат уларни бир-биридан яхшироқ кўриниш учун ҳамма нарса қилишга мажбур қилади. Энг ҳайратланарли эпизод Шварценеггер Сталлонени алдаб даҳшатли фильмда бош ролга ўтказгани бўлади.
“Тўхта ёки онам отади” — бу ўта бемаъни фильм ва Шварценеггер буни сценарийни ўқиган пайтданоқ билган. Шу боис у рақиби фильмни “ўғирлаши”га умид қилиб, шу лойиҳага қизиқаётгани ҳақида миш-миш тарқатади. Ва бу натижа беради. Сталлоне икки ҳафтадан кейин шартномани имзолайди. “Тўхта ёки онам отади” унинг карьерасидаги энг ёмон фильмлардан бири. Натижада Шварценеггер эса ўз мақсадига эришади.
Кўплаб актёрлар от минишни биламан, деб алдаган
Энн Хетеуэй “Букри тоғ” фильмида рол ўйнашга шунчалик иштиёқманд эдики, у режиссёр Анг Лини от мина олишига ишонтиради. Актриса бир неча ой давомида машғулотларга боради ва охир-оқибат тоқат қилиб отда ўтиришни ўрганади. Аммо суратга олиш майдончасида қўшимча чавандозлар қаторида у бошқарувни йўқотади ва отдан йиқилади.
Эдди Редмейн ҳам “Елизавета I” фильмининг суратга олиш жараёнида худди шундай қилган. Натижада суратга олишнинг илк кунидаёқ туёқлар остида қолади ва мўжизавий тарзда омон қолади.
“Мўжиза” фильмидаги Рейчел МакАдамсдан отлар ва буйволлар билан мулоқот қилиш талаб қилинган, аммо актриса улардан жуда қўрқарди. Шунингдек, у режиссёрга отларга аллергияси борлигини айтмасликка қарор қилади. Бироқ Рейчел отхонага кириши биланоқ бу нарса ҳаммага маълум бўлди.
Изоҳ (0)